Nugana 35:1 - Buki Tabu Lowaenei 1919

¹ Ta Eaubada ‘i ona Iakobo ‘enaia, ‘U da tooro, Betela ‘ena ‘u da tu‘e, ta ‘ena ‘u da miami: ta nada ‘ebetaria ‘u da ‘abina Eaubada ‘ena, tauna ‘emuia ‘i apwesa ‘ena ‘u denadena Esau tasio matanega.

Nugana 35:1 Σταυροειδείς Αναφορές

Nugana 12:8

Ta gote ‘enega ‘i logara ‘oea ‘enaia Betela ga bomatu ‘ena, ta ‘ina anua i ‘abina, Betela ‘ebwaga ‘ena ‘i miami, ta Ai bomatu ‘ena: ta nada Ieoba ‘ena ‘ebetaria i ‘abina, ta Ieoba ‘ana esana i ‘inanena.

Nugana 16:8

Ta ‘i gwae, Agari, Sarai ‘ina toguinua mewainena, mwa‘adega ‘u mai? ta mwa‘o ‘u tautauia? Ta ‘i gwae, ‘Igu ilemwaia Sarai matanega ia denama.

Nugana 22:14

Ta Aberaamo esena gote ‘i eesena Ieobaire: na‘ieana si gwae ga batua, Ieoba ‘oeana ‘ena si da ‘itena.

Nugana 29:1

Ga Iakobo ‘i tauia, ta bomatu natunao ‘idi ‘asa ‘ena ‘i mai.

Nugana 31:13

‘Abo‘agu Betela ‘ana Eaubada, ‘ena ‘ora ‘u siwarorona, ‘ena ‘eguia ona‘upa‘upa u ‘inanena: gete tuga ‘u da tooro, ‘asa gete ‘enega ‘u da tauia, ta ‘imu ‘asa ‘ena ‘u tubua ‘ena ‘u da ‘ila.

Nugana 31:3

Ta Ieoba Iakobo ‘ena ‘i ona, Tubumuao ‘idi ‘asa ‘ena ‘u da ‘ila, ta ‘imu bu‘unao ‘edia; ta ‘abo‘agu ma‘ieaio.

Nugana 34:31

Ta si gwae, ‘Aene nuuma ‘ena ‘i da bubuna ‘atua sogara ‘enaia?

Nugana 35:15

Ta Iakobo esena nina ‘ena Eaubada ‘i onaona ‘enaia, ‘i eesena Betela.

Nugana 35:7

Ta ‘ena ‘ebetaria i ‘abina, ta esena nina ‘i eesena Elabetela: ‘ena Eaubada ‘i apwesa ‘enaia ta ‘enega, ‘ena tasina matanega ‘i denadena.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 47:4

‘Ida edaguma tauna i ‘ita‘esi‘esinua manuda, Iakobo tauna ‘i obobomena ‘ina to bobo‘ai‘ailina. (Sela.)

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Si Apwesa 2:15

Ta Parao ni‘atu iage gete ‘i nonona, ga ‘i ebe‘ebesa be Mose ‘i da ununa. Ta Mose Parao matanega ‘i dena, ta ‘asa Midiana ‘ena ‘i miami: ta boasi gaula ‘ena ‘i miatoa.