Nugana 34:21 - Buki Tabu Lowaenei 1919

²¹ Tai getedi si bubuna guguia ‘edaia; ‘enega ta da tagwaredi be ‘ida esena ‘ena si da miami, ta ‘ena si da gimwagimwane; wa ‘ita, ta ‘enega, ‘ida esena ‘i sinabwa be sawesawedia; natudiao mewainedi ta da ‘au‘ewedi be ta da ‘awamwanenedi, ta natudao mewainedi ta da ‘ebwaedi.

Nugana 34:21 Σταυροειδείς Αναφορές

Nugana 34:10

Ta wa da miami ma‘emao: ta ‘asa ‘i da miami matamia; ‘ena wa da miami ta wa da logimwagimwane, ta gwegwe ‘emia wa da sa‘u ‘enaia.

Nugana 34:20

Ta Amora ta natuna Sekema si mai ‘idi ‘asa ‘ana ‘awa ‘eberugu ‘enaia, ta ‘idi ‘asa taidiao ma‘ediao si onaona, si gwae,

Nugana 34:22

Gete tuga bubuna nina ‘enega tai nidi si da tagwareda be si da miami ma‘edao, be ta da e tomota ‘e bweuna, ‘abo ‘abo‘ada me‘olotoda iauiauda ta da lodabeda, nadigega taudi si lodabedi.

Nugana 42:34

ta tasimi me goamana ‘eguia wa da ‘au‘ewenama: ga ia da mwaratoni ‘omi nigea toiausa, ta ‘omi tai bubuna ‘ai‘aila: ga tasimi ‘emia ia da ‘ebwaea, ta wa da egimwane ‘asa ‘enaia.