Nugana 31:5 - Buki Tabu Lowaenei 1919

⁵ ta ‘i eonedi, Tamami maninina ia ‘itena, nigea ‘eguia nadigega tuta lowa; ta tamagu ‘ina Eaubada ma‘ieagu ‘a miami.

Nugana 31:5 Σταυροειδείς Αναφορές

Nugana 21:22

Ta tuta gote gete ‘i apwesa, Abimeleka ta ‘ina boda ‘idi tonugana Pikola Aberaamo ‘ena si gwae, si ona, Iage iauiauna ‘u guiguinue Eaubada ma‘ieaio:

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Nugana 28:15

Ta, u ‘ita, ‘Abo‘agu ma‘ieaio, ta ‘ena ‘u tatauia ‘ena ia da ‘ita‘i‘isio, ta ‘asa gete ‘ena ia da ‘au‘ewalimemuma; gea‘abo ia da e‘idi‘idieio, ga iage ni‘atu manuna ‘emuia ia onaona ia da guinue.

Nugana 31:13

‘Abo‘agu Betela ‘ana Eaubada, ‘ena ‘ora ‘u siwarorona, ‘ena ‘eguia ona‘upa‘upa u ‘inanena: gete tuga ‘u da tooro, ‘asa gete ‘enega ‘u da tauia, ta ‘imu ‘asa ‘ena ‘u tubua ‘ena ‘u da ‘ila.

Nugana 31:29

Nimagu ‘ina waiwaiega ia da gieto‘umaliemi: ta tamami ‘ina Eaubada guruwana ‘i eonegu, ‘i gwae, ‘U da ‘ita‘i‘isio ‘oio be gea‘abo Iakobo ‘ena ‘u onaona nai bobo‘ana nai to‘umalina.

Nugana 31:4

Ta Iakobo ‘i etune ta Rakela ta Lea ‘i bwauiedi mitawaia ‘ina iau ‘enaia,

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Nugana 31:53

Aberaamo ‘ina Eaubada, Naora ‘ina Eaubada, tubudi ‘idi Eaubada, ‘i da loina mwatuidaia. Ta Iakobo ‘i ona‘upa‘upa tamana Isaako ‘ina ‘Ebematauta ‘enega.

Nugana 32:9

Ta Iakobo ‘i gwae, Ie tubugu Aberaamo ‘ina Eaubada, ta tamagu Isaako ‘ina Eaubada, Ieoba ie, tauio ‘u eonegu, ‘Imu ‘asa ‘ena ‘u da ‘ila, ta ‘imu bu‘unao ‘edia, ta ia da giebobo‘aneio:

Nugana 48:15

Ta Iosepa ‘i onaobobomena, ta ‘i gwae, Eaubada nina tauna matanaia tamaguao Aberaamo ta Isaako si tauia dadana, Eaubada nina tauna ‘i e‘enigu iawasigu maibo‘ana ga batua,

Nugana 50:17

gete nadigega wa da ona Iosepa ‘enaia, wa da gwae, Ia sideio, gete tasimuao ‘idi li‘oa loina gea‘abo ‘u e‘isa, ta ‘idi bubuna to‘umalina, si guinua to‘umalina ‘emuia ta ‘enega: ta gete tuga, ‘a sideio, tamaio ‘ina Eaubada ‘ina toguinuao ‘idi li‘oa loina gea‘abo ‘u e‘isa. Ta Iosepa ‘i dedoi ‘ena si onaona ‘enaia.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.