Nugana 31:24 - Buki Tabu Lowaenei 1919

²⁴ Ta Eaubada Labana goma Siria ‘ena ‘i mai boiboi ‘ana madawarega, ta ‘i eonena, ‘U da ‘ita‘i‘isio ‘oio ta gea‘abo Iakobo ‘ena ‘u onaona nai bobo‘ana nai to‘umalina.

Nugana 31:24 Σταυροειδείς Αναφορές

Nugana 20:3

Ta Eaubada Abimeleka ‘ena ‘i mai boiboi ‘ana madawarega, ta ‘i eonena, U ‘ita, ‘oio ‘i abe ‘u e tomwawasa, waine nina u ‘au‘ewena manuna: tauna tai mwanena ta ‘enega.

Nugana 20:6

Ta Eaubada madawara nina ‘enega ‘i eonena, Tamo, ia mwaratoni ‘ateio ‘ina nuanua ‘ai‘aila ‘enega iage gete ni‘atu ‘u guinuei, ta ‘abo‘agu wate ia egagaremu be gea‘abo ‘u da bubuna to‘umali ‘eguia: ta ‘enega nigea ia tagwaremu be ‘u da gitoona.

Nugana 24:50

Ga Labana ta Betuela si onalimana ta si gwae, Iage gete Ieoba ‘enega ‘i apwesama: nigea kapekapeana to‘umalina nai bobo‘ana ‘a da ona‘emuia.

Nugana 28:5

Ta Isaako Iakobo i ‘etunena: ta Padanarama ‘ena ‘i tauia, Labana ‘enaia, tauna Betuela goma Siria natuna, Rebeka, Iakobo ta Esau sinadi, nuuna.

Nugana 31:10

Ta gete ‘i apwesa tuta nina iau si ‘euwana, ia ‘ita tu‘e, ta madawara ‘ena ia ‘itena, ta, wa ‘ita, gota me‘olotodi iau ‘edia si mwera ma‘adi saba, iomwaiomwaridi, ta guaiaguaiadi.

Nugana 31:11

Ta Eaubada ‘ina anelose madawara ‘enega ‘i eonegu, Iakobo: ta ia ona, ‘Abo‘agu.

Nugana 31:23

Ta tasinao i ‘au‘ewedi ma‘enao, ta ‘i muriena asiata ‘e sebeni; ta ‘i lobena ‘oea Gileada ‘enaia.

Nugana 31:25

Ta Labana ‘i apwesa Iakobo ‘enaia. Ta Iakobo ‘ina anua i ‘abina ‘oea ‘enaia: ta Labana matasinao ‘oea Gileada ‘ena i ‘abina.

Nugana 31:29

Nimagu ‘ina waiwaiega ia da gieto‘umaliemi: ta tamami ‘ina Eaubada guruwana ‘i eonegu, ‘i gwae, ‘U da ‘ita‘i‘isio ‘oio be gea‘abo Iakobo ‘ena ‘u onaona nai bobo‘ana nai to‘umalina.

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Nugana 31:7

Ta tamami ‘i kaboegu, ta ‘agu e‘isa ‘i gibunina e sanauna; ta Eaubada nigea ‘i tagwarena be ‘i da gieto‘umaliegu.

Nugana 40:5

Ta siterua si madawara, ‘e bweuna ‘e bweuna ‘ina madawara, boiboi ‘e bweuna ‘enega, ‘e bweuna ‘e bweuna na‘ieana ‘ina madawara ‘ana e‘ita, Aigupito ‘ana king ‘ina to‐‘a‘arakeiga ta ‘ina to‐gabu‐masura, taudi anua ‘ebeiona ‘ena si miami ioniionidi.

Nugana 41:1

Ta iakwara maibo‘ana ‘e rua si gumwara, ga Parao i madawara: ta, wa ‘ita, boasi‘awa deinaia ‘i tooro.

Isaia 37:29

‘Imu egamwagamwagu ‘eguia leleana, ta ‘imu gagasa tenagu ‘edia ‘i tu‘ema manuna, ta ‘enega ‘igu dilu ubusuio ‘ena ia da sa‘u, ta ‘igu ‘ebe‘etobode sopaio ‘edia, ta ia da giesana‘ileio ‘eda ‘enega ‘u mai.