Nugana 29:32 - Buki Tabu Lowaenei 1919

³² Ta Lea i ‘euwana, ta natuna me‘olotona ‘i enatunena, ta ‘i eesena, Rubena: ‘i ona ta ‘enega, Ieoba ‘igu elo‘uia i ‘itena ta ‘enega; gete tuga mwanegu ‘i da obobomegu ta ‘enega.

Nugana 29:32 Σταυροειδείς Αναφορές

Nugana 16:11

Ta Ieoba ‘ina anelose ‘ena ‘i gwae, U ‘ita, u ‘euwana, ta me‘olotona ‘u da enatunena: ta ‘u da eesena Isimaela, ‘imu elo‘uia Ieoba ‘i nonona ni‘atu ta ‘enega.

Nugana 29:31

Ta Ieoba i ‘itena ‘aene Iakobo Lea ‘i guitoasena, ta gamwana ‘ebetubua ‘i gigegena: ta Rakela ‘i megagara.

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Nugana 35:22

Ta gete ‘i apwesa, tuta ‘enega Iseraela ‘asa gote ‘ena ‘i miami, ga Rubena ‘i tauia ta ‘i ‘eno Bila tamana mwanena ‘eia‘eiabarana ma‘ieana: ta Iseraela ‘i nonona. Ta Iakobo natunao me‘olotodi ‘e twelu.

Nugana 35:23

Lea natunao; Rubena, Iakobo ‘ina tomatua, Simeona ta, Lebi ta, Iuda ta, Isakara ta, Sebulona ta:

Nugana 37:29

Ta Rubena i ‘ila gaula ‘enaia; ta, wa ‘ita, Iosepa nigea gaulaia; ta ‘ana ‘oama ‘i gisabudi.

Nugana 42:22

Ta Rubena ‘edia ‘i onalimana, ‘i gwae, Nigea nai ‘emia ia onaona, ia gwae, Gea‘abo wa bubuna to‘umalina goama ‘enaia; ta nigea wa da nono? ‘enega wate, wa ‘ita, rarana ta ‘e‘isa.

Nugana 42:27

Ta ‘e bweuna ‘ediega ‘ina baga ‘i gigegena be ‘ina ase masura ‘i da ‘ebwae ‘idi anua ‘ebe‘eno ‘enaia, ga ‘ina mani i ‘itena; ta, wa ‘ita, ‘ina baga ‘awanaia ‘i miami.

Salamo 106:44

Ta ‘idi elo‘uia i ‘itena, ‘Ena ‘idi dedo ‘i nonona:

Salamo 25:18

‘Igu dedo ta ‘igu elo‘uia ‘u da nua‘i‘isi; Ta ‘igu loegesi iauiaudi gea‘abo ‘u e‘isa.

Si Apwesa 3:7

Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Si Apwesa 4:31

Ta tomota si iareiare; ta ni‘atu si nonona ‘aene Ieoba ni‘atu Iseraela tubunao i ‘itedi, ta ‘aene ‘idi elo‘uia i ‘itena ni‘atu, ga si kopukopu ta si bwagobwago.