Nugana 28:3 - Buki Tabu Lowaenei 1919

³ Ta Eaubada Toewaiwaisana ‘i da onaobobomeio, ta ‘i da bubuio be ‘u da uaua, ta ‘i da gieiauiemu, be ‘enega ‘u da e tomota mabodana;

Nugana 28:3 Σταυροειδείς Αναφορές

Nugana 1:28

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nugana 13:16

Ta tubumuao ia da bubudi be si da ‘e bare‘u nedilina ‘atua: ta ‘enega ‘abo tai bare‘u nedilina ‘i da sawa kapekapeana, ga tubumuao wate si da sawedi.

Nugana 17:20

Ta Isimaela manuna, ni‘atu ia nonomu: u ‘ita, ni‘atu ia onaobobomena, ta uana ia da bubuna, ta ia da gieiauiena sinabwana; ‘inapwanao ‘e twelu ‘ena si da tubua, ta ia da bubuna be ‘i da ‘asa sinabwana.

Nugana 24:60

Ta Rebeka si onaobobomena, ta si eonena, Nuumai, ‘u da ‘e teni tausana matausanao sinadi, ta tubumuao ‘adi tarauwarao ‘idi ‘eberugu si da ‘ewedi.

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 26:4

ta tubumuao ia da gieiau ‘atua garewa ‘ina kwadimao, ta ‘asa iauiauna getedi tubumuao ‘edia ia da ‘ebwaeaedi; ta tubuio ‘enega bare‘u ‘ina ‘asa iauiauna si da bobo‘ana;

Nugana 27:33

Ta Isaako ‘i dededera sinabwana, ta ‘i gwae, Ga iaita tauna esio ni‘atu i ‘ewa, ta ‘eguia ‘i me‘ena, ta iauna ‘enega ia ‘e‘a nugana ta muriega ‘u mai, ta ni‘atu ia onaobobomena? tamo, ta onaoboboma ‘i da loba.

Nugana 35:11

Ta Eaubada ‘i ona ‘enaia, ‘Abo‘agu Eaubada Toewaiwaisana: ‘U da losiwa ta ‘u da susaila: ‘emuiega ‘ebeloina ta ‘ebeloina mabodadi si da apwesa, ta tolobwamuiega kiniao si da apwesa;

Nugana 41:52

Ta ‘e ruena ‘i eesena Eparaima: Eaubada ‘eguia ‘i bubuna be ia uaua ‘igu elo‘uia ‘ina ‘asa ‘ena ta ‘enega.

Nugana 43:14

ta Eaubada Toewaiwai sana nua‘ole‘ole ‘i da ‘ebwa‘emi tai nina matanaia, be ‘enega mari tasimi ta Beniamina ‘i da li‘amidi ‘emia. Ta ‘abo natuguao ‘eguiega si ‘ewadi, tua ‘eguiega si ‘ewadi.

Nugana 48:3

Ta Iakobo ‘i ona Iosepa ‘enaia, Eaubada Toewaiwaisana ‘i apwesa ‘eguia Lusa ‘enaia ‘asa Kanania ‘enaia, ta ‘i onaobobomegu,

Nugana 48:4

ta ‘i ona ‘eguia, U ‘ita, ia da bubuna ‘emuia be ‘u da losiwa, ta ia da gieiauiemu, ta ‘emuiega tomota mabodana ia da bubu; ta ‘asa gete, tubumuao murimuia ia da ‘ebwaedi ‘idi iage ataia manuna.

Nugana 49:25

Tamaio ‘ina Eaubada ‘enega, Tauna ‘i da lemeio, Ta Toewaiwai sana ‘enega, Tauna ‘i da onaobobomeio, Onaoboboma garewa ‘etanaia ‘ediega, Onaoboboma ni‘uia tauna ‘ubunaia i ‘eno‘enokwaia ‘ediega, Susu matana, ta gamwa ‘ebetubua ‘adi onaoboboma ‘ediega.

Nugana 9:1

Ta Eaubada Noa be natunao me‘olotodi ‘i ona obobomedi, ta ‘i eonedi, Wa da losiwa, ta wa da eiau, ta bare‘u wa da loemae.

Salamo 127:1

‘Abo Ieoba nigea anua i ‘abina, Taudi si ‘abina si guinua besobeso: ‘Abo Ieoba nigea ‘asa i ‘ita‘i‘isina, To ‘ita‘i‘isi ‘i iaweiawe besobeso.

Salamo 127:3

Wa ‘ita, gogama si ‘egu‘eguia Ieoba ‘enega: Ta gamwa uana tauna ‘ana e‘isa.

Si Apwesa 1:7

Ta Iseraela tubunao si losiwa, ta si susaila wawasae, ta si eiau, ta si ewaiwai wawasae; ta ‘asa si loemaena.

Si Apwesa 6:3

ta ia apwesa Aberaamo ‘ena, Isaako ‘ena, ta Iakobo ‘ena, Eaubada Toewaiwaisana nadigega, ta ‘agu esana Ieoba ‘enega nigea si mwaratonigu.

Ruta 2:4

Ta, wa ‘ita, Boasa ‘i mai Beteleemega, ta to sesoi ‘edia ‘i gwae, Ieoba ma‘emi wa da miami. Ta ‘ena si ona limana, Ieoba ‘i da ona obobomeio.