Nugana 26:24 - Buki Tabu Lowaenei 1919

²⁴ Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 26:24 Σταυροειδείς Αναφορές

Nugana 13:16

Ta tubumuao ia da bubudi be si da ‘e bare‘u nedilina ‘atua: ta ‘enega ‘abo tai bare‘u nedilina ‘i da sawa kapekapeana, ga tubumuao wate si da sawedi.

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Nugana 17:7

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Nugana 17:8

Ta ‘asa nina ‘imu ‘ebetauia dadana, ‘asa Kanania maibo‘ana, ia da ‘ebwaemu, ta tubumuao murimuia ‘edia, ‘egu‘eguia ‘ataia manuna; ta ‘abo‘agu ia da e ‘idi Eaubada.

Nugana 21:17

Ta Eaubada goama ‘enana ‘i nonona; ta Eaubada ‘ina anelose Agari ‘ena ‘i bwau garewega, ta ‘i eonena, Agari ie, mwa‘adega ‘oio? gea‘abo ‘u da ‘atesa‘ara; Eaubada goama ‘enana ‘i nonona ‘ena ‘i miami ta ‘enega.

Nugana 22:17

ga onaoboboma ‘enega ia da onaobobomeio, ta gieiau ‘enega tubumuao ia da gieiau na‘ieana kwadimao garewaia, ta na‘ieana kaukau le‘awa ‘enaia; ta tubuio ‘ana tarauwarao ‘adi ‘awa ‘i da ‘ewena;

Nugana 22:19

Ta ‘enega Aberaamo i ‘ila ‘ina tubuauiao ‘edia, ta si tooro ta si tauia rererea Beeriseba ‘enaia; ta Aberaamo Beeriseba ‘ena ‘i miami.

Nugana 24:12

Ta ‘i ona, Ieoba ie, ‘igu ‘inapwana Aberaamo ‘ina Eaubada, ia sideio, batua ‘u da loina be ‘eguia ‘i da apwesa ‘ai‘aila, ta nua‘ole‘ole ‘u da e‘ita ‘igu ‘inapwana Aberaamo ‘enaia.

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Nugana 28:15

Ta, u ‘ita, ‘Abo‘agu ma‘ieaio, ta ‘ena ‘u tatauia ‘ena ia da ‘ita‘i‘isio, ta ‘asa gete ‘ena ia da ‘au‘ewalimemuma; gea‘abo ia da e‘idi‘idieio, ga iage ni‘atu manuna ‘emuia ia onaona ia da guinue.

Nugana 28:3

Ta Eaubada Toewaiwaisana ‘i da onaobobomeio, ta ‘i da bubuio be ‘u da uaua, ta ‘i da gieiauiemu, be ‘enega ‘u da e tomota mabodana;

Nugana 30:27

Ta Labana ‘i eonena, ‘Abo gete ‘enega ia bobo‘ana matamuia, ‘u da miami: ni‘atu ia ‘itena ta ‘enega Ieoba ‘i onaobobomegu manuio.

Nugana 31:5

ta ‘i eonedi, Tamami maninina ia ‘itena, nigea ‘eguia nadigega tuta lowa; ta tamagu ‘ina Eaubada ma‘ieagu ‘a miami.

Nugana 39:2

Ta Ieoba Iosepa ma‘ieana, ta ‘i e tai sinabwa; ta ‘ina ‘inapwana goma Aigupito ‘ina anuaia ‘i miami.

Nugana 39:3

Ta ‘ina ‘inapwana i ‘itena Ieoba ma‘ieana, ta Ieoba iage iauiauna ‘i guinua ‘i giebobo‘anena nimanaia.

Nugana 46:1

Ta Iseraela ‘i logara ma‘ina iage iauiauna, ta Beeriseba ‘ena ‘i mai, ta ‘i taria tamana Isaako ‘ina Eaubada ‘enaia.

Si Apwesa 14:13

Ta Mose ‘i ona tomota ‘edia, Gea‘abo wa da matauta, wa da tooromo, ta Ieoba ‘ina ‘etoseana wa da ‘ita, tauna ‘i da guinua manumi batua: me Aigupito nidi taudi ni‘atu wa ‘itedi batua, gea‘abo wate wa da ‘italimedi ga tuta ataia ta ‘enega.

Si Apwesa 3:6

Wate ‘i gwae, ‘Abo‘agu tamaio ‘ina Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be. Ta Mose maninina i ‘aubodebodena; ‘ita Eaubada ‘i matautena ta ‘enega.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 44:2

Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 51:12

‘Abo‘agu, tuga ‘Abo‘agu, taugu ia gieguausoarimi: iaita ‘oio, ‘u matauta tai ‘i da mwawasa manuna, ta tai natuna ‘i da enedu ‘atua manuna;

Isaia 51:7

‘Eguia wa da nono, ‘omi bubuna paruparu wa mwaratoni, ‘omi tomota ‘igu loina ‘atemia ‘i miami; tai ‘idi ba‘e gea‘abo wa matautena, nai wa da ‘atesa‘ara ‘idi eliao manudi.

Loina 26:42

Ga ‘igu ona‘upa‘upa Iakobo ma‘ieagu ia da nua‘i‘isina; ta wate ‘igu ona‘upa‘upa Isaako ma‘ieagu, ta wate ‘igu ona‘upa‘upa Aberaamo ma‘ieagu ia da nua‘i‘isina; ta bwa‘a ia da nua‘i‘isi.

Loina 26:45

Ta leleadi tubudiao ‘idi ona‘upa‘upa ia da nua‘i‘isina, taudi ia ‘au‘ewedima ‘asa Aigupitoega ‘ebeloinao matadia, be ia da ‘idi Eaubada: ‘Abo‘agu Ieoba.

Ruta 3:11

Ta gete, natugu, gea‘abo ‘u matauta; iage iauna ‘u gwaegwae ‘emuia ia da guinua: ‘igu susu maibo‘ana si sinapuna ‘aene ‘oio waine nua‐‘esasena.