Nugana 24:7 - Buki Tabu Lowaenei 1919

⁷ Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega.

Nugana 24:7 Σταυροειδείς Αναφορές

Nugana 13:15

‘asa maibo‘ana u ‘itena ta ‘enega, ia da ‘ebwaemu, ta tubumuao ‘edia ‘ataia.

Nugana 15:18

Asiata gote ‘enega Ieoba ona‘upa‘upa ‘i bubuna Aberamo ma‘ieana, ‘i gwae, Tubumuao ‘edia ‘asa gete ia ‘ebwaedi, boasi ‘awana Aigupito ‘enega ga boasi ‘awana sinabwana, boasi ‘awana Euperatesa:

Nugana 16:7

Ta Ieoba ‘ina anelose ‘i lobena wewerupwa deinaia mitawaia, wewerupwa ‘eda Sura ‘ena deinaia.

Nugana 17:8

Ta ‘asa nina ‘imu ‘ebetauia dadana, ‘asa Kanania maibo‘ana, ia da ‘ebwaemu, ta tubumuao murimuia ‘edia, ‘egu‘eguia ‘ataia manuna; ta ‘abo‘agu ia da e ‘idi Eaubada.

Nugana 21:17

Ta Eaubada goama ‘enana ‘i nonona; ta Eaubada ‘ina anelose Agari ‘ena ‘i bwau garewega, ta ‘i eonena, Agari ie, mwa‘adega ‘oio? gea‘abo ‘u da ‘atesa‘ara; Eaubada goama ‘enana ‘i nonona ‘ena ‘i miami ta ‘enega.

Nugana 22:11

Ta Ieoba ‘ina anelose garewega ‘ena ‘i bwau, ta ‘i gwae, Aberaamo, Aberaamo: ta ‘i ona, Abo‘agu.

Nugana 24:3

ta ia da loinemu be ‘u da ona‘upa‘upa Ieoba ‘enega, garewa ‘ana Eaubada ta bare‘u ‘ana Eaubada, ‘aene gea‘abo natugu manuna mwanena ‘u da ‘au‘ewa me Kanania natudiao me wainedi ‘ediega, taudi ‘edia ia miami:

Nugana 24:40

Ta ‘eguia ‘i ona, Ieoba, tauna matanaia ia tauia, ‘ina anelose ‘i da etunena ma‘ieaio, ta ‘imu ‘eda ‘i da giebobo‘anena; ta natugu manuna mwanena ‘u da ‘au‘ewa ‘igu buunao ‘ediega, ta tamagu ‘ina anuega:

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Salamo 103:20

Ieoba wa da tupuna, ‘omi ‘ina aneloseao: ‘Omi pa‘ara ‘enega wa ewaiwai, ‘ina ona wa losaroni, ‘Ina ona ‘enana wa nonona.

Salamo 136:26

Garewa ‘ina Eaubada ‘ena wa da lotuputupu: ‘Ina nua‘ole‘ole ‘i mia ‘ataia ta ‘enega.

Salamo 32:8

Ia da giemwaratonio ta ia da e‘itaio ‘eda ‘enega ‘u da tauia: Ia da eonaio matagu ‘emuia ‘enega.

Salamo 34:7

Ieoba ‘ina anelose taudi si matautena ‘i mia sakowasiedi, Ta i ‘etoseedi.

Salamo 73:24

‘Imu nuanua ‘enega ‘u da nuganegu, Ta muriega esaesa ‘ena ‘u da ‘au‘ewegu.

Si Apwesa 13:5

Ta gete ‘ena Ieoba ‘i da ‘au‘ewemi me Kanania ‘idi ‘asa ‘enaia, me Eta be, me Amori be, me Ibite be, me Iebusi be, taudi ‘i ona‘upa‘upa‘edi tamamiao ‘edia ‘aene ‘i da ‘ebwaemu, ‘asa ‘i daudau susu ta oni ‘ediega, ga guinua gete ‘u da bubuna nawarae gete ‘ena.

Si Apwesa 32:13

Aberaamo, Isaako, Iseraela be, ‘imu toguinuao, ‘u da nua‘i‘isidi, taudi ‘edia ‘u ona‘upa‘upa taumumo ‘emuiega, ta ‘u eonedi, Tubumuao ia da gieiau garewa ‘ina kwadima ‘atua, ta ‘asa gete maibo‘ana ni‘atu manuna ia gwaegwae tubunao ‘edia ia da ‘ebwaea, ta si da ‘ewa be ‘idi iage ataia.

Si Apwesa 33:2

Ta anelose ‘e bweuna ia da ‘etunena matamuia; ta me Kanania, me Amori, me Eta be, me Perisi be, Ibite, me Iebusi be, ia da pa‘idi:

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.

Iona 1:9

Ta ‘i eonedi, ‘Abo‘agu Eberu; ta Ieoba ia matautena, garewa ‘ina Eaubada, tauna ora ta bwa‘a iadaiadana ‘i mweruruidi.