Nugana 24:3 - Buki Tabu Lowaenei 1919

³ ta ia da loinemu be ‘u da ona‘upa‘upa Ieoba ‘enega, garewa ‘ana Eaubada ta bare‘u ‘ana Eaubada, ‘aene gea‘abo natugu manuna mwanena ‘u da ‘au‘ewa me Kanania natudiao me wainedi ‘ediega, taudi ‘edia ia miami:

Nugana 24:3 Σταυροειδείς Αναφορές

Nugana 14:19

Ta ‘i onaobobomena, ta ‘i gwae, Eaubada Tolo‘etana‐sana, toni‐garewa ta toni‐bare‘u, ‘ina Aberamo i da mia bobo‘ana:

Nugana 14:22

Ta Aberamo Sodoma ‘ana king ‘ena ‘i ona, Ni‘atu nimagu ia gitu‘eiena Ieoba ‘enaia, Eaubada Tolo‘etanasana, toni‐garewa ta toni‐bare‘u,

Nugana 21:23

ta ‘enega gete tuga ‘u da ‘ona‘upa‘upa gete ‘ena ‘eguia Eaubada ‘enega ‘aene gea‘abo ‘u da bubuna kakokabo ma‘ieagu, nai natugu ma‘ieaio, nai tubugu ma‘ieaio: ta na‘ieana nua‘ole‘ole ‘emuia ia guinua, ‘oio ‘u da guinua ‘eguia, ta bwa‘a nina ‘enaia ‘ena ni‘atu ‘u miami.

Nugana 24:7

Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega.

Nugana 27:46

Ta Rebeka ‘i ona Isaako ‘enaia, ‘Abo‘agu Eta natunao me wainedi manudi ia lo‘ame‘ame: ‘abo Iakobo Eta natunao ‘ediega mwanena i ‘ewena, getedi nadigega, ‘asa natunao me wainedi ‘ediega, iawasigu to‘ase ‘ana bobo‘ana ‘eguia?

Nugana 28:1

Ta Isaako Iakobo ‘i bwauiena, ta ‘i onaobobomena, ta ‘i emataruena, ta ‘ena ‘i ona, Kanania natunao me wainedi ‘ediega gea‘abo mwaneio u ‘au‘au‘ewa.

Nugana 28:8

Ta Esau i ‘itena Kanania natunao me wainedi nigea si bobo‘ana tamana Isaako ‘ena;

Nugana 34:9

Ta ‘emaia ma‘emao ta da ai; natumiao mewainedi wa da ‘ebwa‘emaia, ta natumao mewainedi wa da ‘au‘ewedi ‘emia.

Nugana 38:2

Ta Iuda ‘e bweu goma Kanania ‘ana esana Sua natuna me wainena i ‘itena; ta i ‘au‘ewena, ta ‘ena ‘i rugu.

Nugana 47:31

Ta ‘i ona, ‘Eguia ‘u da ona‘upa‘upa: ta ‘i ona‘upa‘upa ‘enaia. Ta Iseraela ‘i bwagobwago ‘ebe‘eno debana ‘enaia.

Nugana 50:25

Ta Iosepa ona‘upa‘upa i ‘ewena Iseraela natunao ‘ediega, ‘i gwae, Eaubada ‘emia ‘i da apwesa ‘ai‘aila, ta gete ‘enega lulugu wa da ‘a‘ara tu‘eiei.

Nugana 6:2

ga Eaubada natunao me‘olotodi tomota natudiao mewainedi si ‘itedi ‘aene ‘adi ‘ita bobo‘ana; ta iauiaudi si ‘ita‘esi‘esinuedi ‘ediega mwanediao ‘ediega si ‘ewedi.

Nugana 6:4

To didiga bare‘uia si miami tuta gote, ta wate muriega, ‘ena Eaubada natunao me‘olotodi tomota natudi mewainedi ‘edia si rugu, ta mewainedi gogama si enatunedi ‘edia: taudi gete tai waiwai to mia lowaenei, tai nidi ‘adi esana ‘arena ‘i apwesa.

Salamo 115:15

‘Omi oboobobomimi Ieoba ‘enega, Tauna garewa ta bare‘u ‘i mweruruidi.

Salamo 136:26

Garewa ‘ina Eaubada ‘ena wa da lotuputupu: ‘Ina nua‘ole‘ole ‘i mia ‘ataia ta ‘enega.

Si Apwesa 20:7

Ieoba ‘imu Eaubada ‘ana esana gea‘abo u ‘inana besobeso; Ieoba tauna ‘ana esana i ‘inana besobeso gea‘abo ‘i da ‘awabobo‘anena.

Si Apwesa 22:11

Ieoba ‘ina ona‘upa‘upa ‘i da mia ruarua gamwagamwanidia, nai nimana ‘i sa‘una gosiana ‘ina gwegwe ‘edia nai nigea; ta toni‐iage ‘i da iarena, ta gea‘abo ‘i da e‘isa.

Si Apwesa 23:13

Ta iage iauiauna ‘ediega ‘emia ni‘atu ia oneone wa da nono‘i‘isi: ta mari eaubadao ‘adi esana gea‘abo wa ‘inana, wate gea‘abo ‘awamiega si da nonona.

Si Apwesa 34:16

ta natudi me wainedi u ‘ewa be natumuao me‘olotodi ‘edia, ta natudi me wainedi ‘idi eaubadao ‘edia si eiarakwaia, ta natumuao me‘olotodi si bubudi be ‘idi eaubadao ‘edia si eiarakwaiedi.

Isaia 45:23

Tebweugu ‘enega ia ona‘upa‘upa, ona ni‘atu ‘awaguiega ‘i apwesa bubuna paruparunega, ta gea‘abo ‘i da ‘ila, ‘aene ‘eguia ‘ae iauiauna si da tulasena, meia iauna si da ona‘upa‘upa.

Isaia 48:1

Iakobo ‘ina susu ie, gete wa da nono, taudi ‘adi esana Iseraela, ta Iuda ‘ina boasiao ‘ediega si apwesama; taudi si ona‘upa‘upa Ieoba ‘ana esanega, ta Iseraela ‘ina Eaubada si ‘inana, ta nigea ona ‘ai‘ailega, nai bubuna paruparuiega.

Isaia 65:16

Ta ‘enega tauna ‘i onaobobomena tauna bare‘uia ‘i da onaobobomena tauna Emeni ‘ina Eaubada ‘enega: ta tauna ‘i ona‘upa‘upa bare‘uia ‘i da ona‘upa‘upa Emeni ‘ina Eaubada ‘enega; gimi iage ‘ebeloniu si nuapupuredi ta ‘enega, ta si miakwaia matagu ‘ediega ta ‘enega.

Loina 19:12

Ta gea‘abo ‘agu esanega wa onaona‘upa‘upa kabokabo, be nadigega ‘imu Eaubada ‘ana esana wa gibesobeso: ‘Abo‘agu Ieoba.