Nugana 24:12 - Buki Tabu Lowaenei 1919

¹² Ta ‘i ona, Ieoba ie, ‘igu ‘inapwana Aberaamo ‘ina Eaubada, ia sideio, batua ‘u da loina be ‘eguia ‘i da apwesa ‘ai‘aila, ta nua‘ole‘ole ‘u da e‘ita ‘igu ‘inapwana Aberaamo ‘enaia.

Nugana 24:12 Σταυροειδείς Αναφορές

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Nugana 24:21

Ta tai nina ‘ena ‘i dunedune; ‘i enono, sabi ‘ita nai Ieoba ‘ina tauiama ‘i giebobo‘anena nai nigea.

Nugana 24:27

Ta ‘i ona, Ieoba, ‘igu ‘inapwana Aberaamo ‘ina Eaubada, tauna ‘ina nua‘ole‘ole ta ‘ina ona ‘ai‘aila ‘igu ‘inapwana ‘enaia nigea ‘i e‘idi‘idia, ta da tupuna: ta ‘abo‘agu manuna, Ieoba ‘igu ‘inapwana tasinao ‘idi anua ‘ana ‘eda ‘ena ‘i nuganegu.

Nugana 24:42

Ta etamona wewerupwa ‘ena ia mai, ta ia ona, Ieoba ie, ‘igu ‘inapwana Aberaamo ‘ina Eaubada, ‘abo gete tuga ‘igu ‘eda ‘enega ia tautauia ‘u da giebobo‘anei:

Nugana 24:48

Ta ia bwagobwago, ta Ieoba ‘ena ia tapwaroro, ta Ieoba, ‘igu ‘inapwana Aberaamo ‘ina Eaubada, ia tupuna, tauna i ‘au‘ewegu ‘eda ‘ai‘aila ‘ena be ‘igu ‘inapwana tasina natuna me wainena ia ‘ewena natuna me‘olotona manuna.

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 27:10

ta tamaio ‘ena ‘u da me‘ena, be ‘enega ‘i da ‘e‘ai, be ‘enega ‘ina mwawasa nuganinaia ‘i da onaobobomeio.

Nugana 27:20

Ta Isaako natuna ‘ena ‘i ona. Natugu, mwa‘adega ‘u loba maninina nadigega? Ta ‘i ona, Ieoba ‘imu Eaubada ‘i leme‘ai‘iligu.

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Nugana 32:10

‘imu nua‘ole‘ole iauiauna, ta ‘imu ona‘ai‘aila iauiauna, taudi ‘imu toguinua ‘ena u ‘e‘ita, ‘Abo‘agu nigea sawesaweguia ‘e bweuna me gidarina; ma‘igu guna Ioridana gete ia taonina ta ‘enega; ta gete ‘abo‘agu ni‘atu boda ‘e rua.

Nugana 32:9

Ta Iakobo ‘i gwae, Ie tubugu Aberaamo ‘ina Eaubada, ta tamagu Isaako ‘ina Eaubada, Ieoba ie, tauio ‘u eonegu, ‘Imu ‘asa ‘ena ‘u da ‘ila, ta ‘imu bu‘unao ‘edia, ta ia da giebobo‘aneio:

Nugana 43:14

ta Eaubada Toewaiwai sana nua‘ole‘ole ‘i da ‘ebwa‘emi tai nina matanaia, be ‘enega mari tasimi ta Beniamina ‘i da li‘amidi ‘emia. Ta ‘abo natuguao ‘eguiega si ‘ewadi, tua ‘eguiega si ‘ewadi.

Salamo 118:25

Gete ‘enega ‘u da ‘etoseema, ‘a sideio, Ieoba ie: Ieoba ie, ‘a sideio, gete ‘enega mia bobo‘ana ‘u ‘da sa‘u.

Salamo 122:6

Ierusalema ‘ina miaguguia manuna wa da sidasida: Taudi si obobomeio si da mia bobo‘ana.

Salamo 127:1

‘Abo Ieoba nigea anua i ‘abina, Taudi si ‘abina si guinua besobeso: ‘Abo Ieoba nigea ‘asa i ‘ita‘i‘isina, To ‘ita‘i‘isi ‘i iaweiawe besobeso.

Salamo 37:5

‘Imu ‘eda Ieoba ‘ena ‘i da tagware; Wate ‘ena ‘u da ‘emisa, ta tauna ‘i da gieapwesenama.

Si Apwesa 3:15

Ta Eaubada wate ‘i ona Mose ‘ena, Gete nadigega ‘u da ona Iseraela tubunao ‘edia, Ieoba, tamamiao ‘idi Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be, ni‘atu i ‘etuneguma ‘emia: gete ‘agu esana ‘ataia, ta gete ‘agu ‘ebenua‘i‘isi ga epata‐tomota iauiauna.

Si Apwesa 3:6

Wate ‘i gwae, ‘Abo‘agu tamaio ‘ina Eaubada, Aberaamo ‘ina Eaubada, Isaako ‘ina Eaubada, Iakobo ‘ina Eaubada be. Ta Mose maninina i ‘aubodebodena; ‘ita Eaubada ‘i matautena ta ‘enega.