Nugana 22:9 - Buki Tabu Lowaenei 1919

⁹ Ta esena nina manuna Eaubada ‘ena ‘i simana ‘ena si apwesa; ta ‘ena Aberaamo ‘ebetaria i ‘abina, ta kaiwe ‘i sa‘u ‘ai‘ailina, ta natuna Isaako ‘i ionina, ta ‘ebetaria ‘ena ‘i e‘enoina, kaiwe ‘enaia.

Nugana 22:9 Σταυροειδείς Αναφορές

Nugana 12:7

Ta Ieoba ‘i apwesa Aberamo ‘ena, ta ‘i gwae, Tubumuao ‘edia ‘asa gete ia da ‘ebwaeae: ta nada ‘ebetaria i ‘abina Ieoba ‘ena, tauna ‘ena ‘i apweapwesa.

Nugana 12:8

Ta gote ‘enega ‘i logara ‘oea ‘enaia Betela ga bomatu ‘ena, ta ‘ina anua i ‘abina, Betela ‘ebwaga ‘ena ‘i miami, ta Ai bomatu ‘ena: ta nada Ieoba ‘ena ‘ebetaria i ‘abina, ta Ieoba ‘ana esana i ‘inanena.

Nugana 13:18

Ta Aberamo ‘ina anua i ‘ewena, ta Mamire ‘ina keigwanao ‘edia ‘i mai ta ‘i miami, taudi Eberona ‘ena si miami, ta nada ‘ebetaria i ‘abina Ieoba ‘enaia.

Nugana 22:10

Ta Aberaamo nimana ‘i gilagasi, ta sisi i ‘ewa natuna sabi ununa.

Nugana 22:8

Ta Aberaamo ‘i gwae, Natugu, Eaubada tauna lami ‘ebwaeadaita gabugabuna manuna ‘i da e‘itai: ta ‘enega siterua si arua ga si tauia rererea.

Nugana 8:20

Ta Noa ‘ebetaria i ‘abina Ieoba ‘ena; ta bomitawa ‘esasena iauna, ta manua ‘esasena iauna, ‘ediega i ‘ewedi, ta ‘ebwaeadaita gabugabuna i ‘ebwaea ‘ebetaria ‘enaia.

Salamo 118:27

Ieoba tauna Eaubada, ta ma‘edana ni‘atu i ‘ebwaeda: Taria wa da iona baraeiega, tuga ‘ebetaria kunanao ‘edia.