Nugana 2:17 - Buki Tabu Lowaenei 1919

¹⁷ ta bobo‘ana be to‘umalina ‘adi ‘ebesinapu ‘ana kaiwe ‘enega, gea‘abo ‘enega u ‘e‘a: asiata ‘enega u ‘enina ‘u da mwawasa ‘ai‘aila ta ‘enega.

Nugana 2:17 Σταυροειδείς Αναφορές

Nugana 2:9

Ta Ieoba Eaubada kaiwe iauna ‘adi ‘ita bobo‘adi, ta ‘e‘ai bobo‘ana bwa‘a ‘enega ‘i gietabwenama; wate iawasida ‘ana kaiwe bagura gamwanaia, ta bobo‘ana ta to‘umalina ‘adi ‘ebesinapu ‘ana kaiwe.

Nugana 20:7

Gete ‘enega tai mwanena ‘u da ‘ilena; tauna paropita ta ‘enega, ta manuio ‘i da ‘awanoi, ta ‘u da bobo‘ana: ta ‘abo nigea u ‘ilena, ‘u da mwaratoni ‘oio ‘u da mwawasa ‘ai‘aila, ‘oio, ta iauiaudi ‘imu tomota.

Nugana 3:11

Ta ‘i ona, Iaita ‘i simanemu ‘aene ‘u bubugewa? Kaiwe nina ‘enega u ‘e‘enina, tauna manuna ia eonemu ‘aene gea‘abo u ‘e‘ani?

Nugana 3:17

Ta Adama ‘ena ‘i gwae, Mwaneio ‘enana ‘u nonona ta ‘enega, ta kaiwe ‘enega u ‘enina, tauna manuna ia eonemu, ia gwae, Gea‘abo ‘enega ‘u da ‘e‘a: bwa‘a ‘i to‘umali manuio; ma‘imu dedoi ‘u da ‘e‘a iawasio ‘ana tuta maibo‘anega;

Nugana 3:19

maninio ‘ina amweai ‘enega masura ‘u da ‘e‘ai, ga bwa‘a ‘ena ‘u da ‘ila; ‘enega ‘u apwesama ta ‘enega: ‘oio nedila ta ‘enega, ta nedila ‘ena ‘u da ‘ila.