13 Ta Ieoba tauna ‘i eonena ‘ana esana i ‘inanena, ‘Oio Eaubada to‘ita: ‘i gwae ta ‘enega, Ni‘atu tauna i ‘itegu gete tuga nai ia dune murigwaiabu?
Ta Ieoba ‘ina anelose ‘i lobena wewerupwa deinaia mitawaia, wewerupwa ‘eda Sura ‘ena deinaia.
Ta Aberaamo esena gote ‘i eesena Ieobaire: na‘ieana si gwae ga batua, Ieoba ‘oeana ‘ena si da ‘itena.
Ta ‘i matauta, ta ‘i ona, Esena gete ‘ebe‘atesa‘ara! gete nigea wate ta Eaubada ‘ina anuaia, ta gete garewa ‘ana ‘awa ‘eberugu.
‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.
Ta Iakobo esena nina ‘i eesena Peniela: ‘i ona, ta ‘enega, Eaubada ia ‘itena e‘awatanesinesiega, ta iawasigu ‘i bobo‘ana.
Ta sinara ‘ena ‘i sa‘e Penuela ‘ena ‘i abara, ta bwadagana ‘enega ‘i lopegoi.
Ta Iseraela tubunao ‘idi ‘inapwanao nimana nigea ‘edia ‘i sa‘u: ta Eaubada si ‘itena, ta si ‘e‘ai ta si numa.