Nugana 12:5 - Buki Tabu Lowaenei 1919

⁵ Ta Aberamo mwanena Sarai i ‘au‘ewai, tasina natuna Lota ta, ‘idi gwegwe iauiauna ni‘atu si egogonena ta, iaruiarua si ‘ewedi Arana ‘enega ta; ga si apwesa sabi tauia ‘asa Kanania ‘enaia; ta ‘asa Kanania ‘ena si mai.

Nugana 12:5 Σταυροειδείς Αναφορές

Nugana 10:19

Ta me Kanania ‘ina tupi Sidona ‘enega, na‘ieana ‘u tauia Gerara ‘ena, ga Gasa ‘enaia; na‘ieana ‘u tauia Sodoma ta Gomora ta Adamaa ta Seboima ta ‘edia, ga Lasa ‘enaia.

Nugana 11:27

Ta getedi Tera tubunao. Tera natunao Aberamo be, Naora be, Arana be; ta Arana natuna Lota.

Nugana 11:31

Ta Tera natuna Aberamo i ‘au‘ewena, ta Lota Arana natuna, natuna natuna, ta Sarai lawana, tauna natuna Aberamo mwanena; ta ma‘ediao si tauiawa me Kaladea ‘idi Ura ‘enega, sabi tauia ‘asa Kanania ‘enaia; ta ‘asa Arana ‘ena si mai, ta ‘ena si miami.

Nugana 13:5

Ta Lota wate, tauna Aberamo ma‘ieana si tauia, ma‘ina sipiao be, bulomakau be, anuanaia be.

Nugana 13:6

Ta bwa‘a nigea ‘i ewaiwai be ‘i da e‘enidi, be ‘enega si da miami rererea: ‘idi gwegwe ‘i sinabwana ta ‘enega, ta ‘enega nigea kapekapeana si da mia rua.

Nugana 14:14

Ta ni‘atu Aberamo ‘i nonona ‘aene tasina si ‘ewena be ‘i da eiabwebwe, ga ‘ina tai losaia si pana‘itena i ‘au‘ewedi, taudi ‘ina susu ‘ena si tubutubua, teri anaredi ta etini, ta ‘i pilimuria ga Dana.

Nugana 14:21

Ta Sodoma ‘ana king Aberamo ‘ena ‘i ona, Tomota ‘u da ‘ebwaegu, ta gwegwe ‘u da ‘ewedi ‘emuia.

Nugana 28:10

Ta Iakobo Beerisebega ‘i tauia, ta Arana ‘ena ‘i tautauia.

Nugana 36:6

Ta Esau mwanenao i ‘au‘ewedi, natunao me‘olotodi ta, natunao mewainedi ta, ‘ina anua ‘ana tomianao iauiaudi ta, ina bulomakau ta, ‘ina iobai iauiaudi ta, ‘ina gwegwe iauiauna ta, taudi ‘asa Kanania ‘ena ‘i egogonedi; ta mari ‘asa ‘e bweu ‘ena ‘i tauia tasina Iakobo nigea serabenaia.

Loina 22:11

Ta ‘abo to taria iaruiarua ‘e bweuna ‘i lagwena, ‘ina mani ‘ana e‘isa, ‘enega ‘i da ‘e‘ai; ta taudi nadigega ‘ina anua ‘ena si tubua, taudi ‘ina masurega si da ‘e‘ai.