Nugana 12:18 - Buki Tabu Lowaenei 1919

¹⁸ Ta Parao Aberamo ‘i bwauiena, ta ‘i gwae, To‘ase gete ‘eguia ‘u guinuena? to‘ase manuna nigea ‘u simana ‘eguia ‘aene mwaneio?

Nugana 12:18 Σταυροειδείς Αναφορές

Nugana 12:19

To‘ase manuna ‘u ona, Tauna nuugu? ta ‘enega ia ‘au‘ewena be ‘i da mwanegu: ta ‘enega gete tuga mwaneio ‘u da ‘ita, ‘u da ‘au‘ewa, ta ‘u da tauia.

Nugana 20:3

Ta Eaubada Abimeleka ‘ena ‘i mai boiboi ‘ana madawarega, ta ‘i eonena, U ‘ita, ‘oio ‘i abe ‘u e tomwawasa, waine nina u ‘au‘ewena manuna: tauna tai mwanena ta ‘enega.

Nugana 29:25

Ta gonagonaia gete ‘i apwesa, wa ‘ita, tauna Lea: ta Labana ‘ena ‘i ona, To‘ase gete ‘eguia ‘u guinuena? nigea nai ia guinua ma‘ieaio Rakela manuna? ‘Enega to‘ase manuna ‘u kaboegu?

Nugana 3:13

Ta Ieoba Eaubada waine ‘ena ‘i ona, To‘ase gete ‘u guinua ni‘atu? Ta waine ‘i gwae, Moata ‘i kaboegu, ta ia ‘enina.

Nugana 31:26

Ta Labana Iakobo ‘ena ‘i ona, To‘ase ‘u guiguinua, ga ‘eguiega ‘u tauia ‘ipwaramo, ta natuguao mewainedi u ‘au‘ewedi ‘atua ioniionidi sisi‐saiega?

Nugana 4:10

Ta ‘i ona, To‘ase ‘u guinua? tasio rarana ‘enana ‘eguia ‘i bwauma bwa‘a ‘enega.

Nugana 44:15

Ta Iosepa ‘i ona ‘edia, To iage gete wa guinuena? nigea wa mwaratoni tai nadigega ‘abo‘agu ia ‘ita ‘ai‘aila?

Si Apwesa 32:21

Ta Mose ‘i ona Aarona ‘enaia, To‘ase tomota gete si guinua ‘emuia, ta ‘enega loegesi sinabwana ni‘atu ‘u me‘ena ‘edia?