Nugana 12:1 - Buki Tabu Lowaenei 1919

¹ Ga Icoba Aberamo ‘ena ‘i gwae, ‘Imu ‘asa ‘u da pilisinena, ta ‘imu buunao ‘ediega, ta tamaio ‘ina susu ‘enega, ga ‘asa tauna ia da e‘itemu ‘enaia:

Nugana 12:1 Σταυροειδείς Αναφορές

Nugana 15:7

Ta ‘ena ‘i ona, ‘Abo‘agu Ieoba me Kaladea ‘idi Ura ‘enega ia ‘au‘ewemu, sabi ‘ebwaemu ‘asa gete be ‘u da ‘ewena.

Nugana 20:13

ta gete ‘i apwesa, ‘ena Eaubada ‘i loinegu be tamagu ‘ina anua ia da pilisinena, ga ia eonena, Gete ‘imu nua‘ole‘ole ‘u da e‘ita ‘eguia; esena ‘e bweuna ‘e bweuna ‘ena ta da apwesa, manugu ‘u da gwae, Tauna nuugu.

Nugana 24:38

ta tamagu ‘ina anua ‘ena ‘u da tauia, ta ‘igu bu‘unao ‘edia, ta natugu manuna mwanena ‘u da ‘au‘ewa.

Nugana 24:4

ta ‘igu ‘asa ‘ena ‘u da tauia, ta ‘igu bu‘unao ‘edia, ta natugu Isaako manuna mwanena ‘u da ‘au‘ewa.

Nugana 24:7

Ieoba, garewa ‘ina Eaubada, tauna tamagu ‘ina anuega i ‘au‘ewegu, ta ‘asa ‘igu ‘ebetubua ‘enega, ta tauna ‘i eonegu, ta ‘eguia ‘i ona‘upa‘upa, ‘i gwae, Tubuio ‘ena ‘asa gete ia da ‘ebwaea; tauna ‘ina anelose ‘i da etunena matamuia, ta natugu manuna mwanena ‘u da ‘au‘ewa gote ‘enega.

Nugana 26:2

Ta Ieoba ‘i apwesa ‘enaia, ta ‘i gwae, Gea‘abo ‘u da mwa‘umwa‘uta Aigupito ‘enaia; ‘asa nina manuna ia da simana ‘emuia ‘ena ‘u da miami:

Isaia 37:12

Ebeloinao ‘idi eaubadao si ‘etoseedi nai, taudi tamaguao si loegumwaridi, Gosana, Arana be, Resepa be, Edena natunao be taudi Telasara ‘ena si miami?

Isaia 41:9

‘Oio ia giiaimu bare‘u ‘ana ‘ebelosaroniao ‘ediega, ta ia bwauiemu tupitupinao ‘ediega, ta ia eonaio, ‘Oio ‘igu ari‘ei, ia ‘esinuemu ta nigea ia ‘ula iaulemu;

Isaia 51:2

Aberaamo tamami ‘ena wa da ‘ita, ta sinami Sara ‘enaia; ‘ena tauna ‘e bweunamo ia bwauiena ta ‘enega, ta ia ona obobomena, ta ia gieiauiena.