Nugana 1:21 - Buki Tabu Lowaenei 1919

²¹ Ta Eaubada rabarabaoo sinabwadi ‘i mweruruidi, iage mwerumweruruidi maiawasidi iauiaudi si ‘eetapewa ta, taudi ni‘uia iaudidigadi, adelidi nadigega, manua mapapedi adelina nadigega ta: ta Eaubada i ‘itena ‘i bobo‘ana.

Nugana 1:21 Σταυροειδείς Αναφορές

Nugana 1:18

ta asiata be boiboi si da loinedi, ta ma‘edana si da weari guguioiega: ta Eaubada i ‘itena ‘i bobo‘ana.

Nugana 1:20

Ta Eaubada ‘i ona, Ni‘uia iage mwerumweruruidi maiawasidi si da iaudidigana, ta manua si da taea bare‘u ‘etanaia garewa bwagabwagana matanaia.

Nugana 1:22

Ta Eaubada ‘i ona obobomedi, ‘i gwae, Wa da losiwa, ta wa da eiau, ta ni‘u oraia wa da loemae, ta manua si da eiau bare‘uia.

Nugana 1:25

Ta Eaubada bare‘u bomitawana adelina nadigega ‘i bubuna, iobai adelidi nadigega ta, iage iauiauna bare‘uia si elookawara adelina nadigega ta: ta Eaubada i ‘itena ‘i bobo‘ana.

Nugana 1:31

Ta Eaubada iage ‘e bweuna ‘e bweuna ni‘atu ‘i bubuna i ‘itena, ta, wa ‘ita, ‘i to bobo‘ana sana. Ta ni‘atu asuinuanua ta ni‘atu gonagona, asiata ‘e sikisi nina.

Nugana 2:19

Ta bwa‘a ‘enega Ieoba Eaubada bomitawa iauna ‘i mweruruidi, mwatui manuidi iauna ta; ta tai ‘ena ‘i me‘edi be ‘i da ‘ita nai to‘ase ‘i da eesedi: ta to‘ase nai tai iage mwerumweruruina iauna ‘i eesedi, tauna ‘ana esana.

Nugana 6:20

Manua ‘ediega adelidi nadigega, iobai adelidi nadigega, bwa‘a ‘ina iage lookawaridi iauna ‘enega adelina nadigega, iage ‘e bweuna ‘e bweuna ‘e rua ‘emuia si da mai, be ‘u da ‘ita‘i‘isidi be si da bobo‘ana.

Nugana 7:14

taudi, ta bomitawa iauna adelina nadigega, ta lagolagowa iauiauna adelidi nadigega, ta iage lookawaridi iauna bare‘uia si kawakawara adelidi nadigega, ta manua iauna adelina nadigega, ta manua iauna mapapedi iauna ‘enega.

Nugana 8:17

Iage maiawasidi iauna ma‘emuao wa miamiana esio iauiauna ‘ediega ‘u da ‘au‘ewa apwesedima ma‘emuao, manua ta, lagolagowa ta, iage lookawaridi iauna bare‘uia si kawakawara ta; be ‘enega si da susaila sinabwana bare‘uia, ta si da losiwa, ta si da eiau bare‘uia.

Nugana 8:19

bomitawa iauna, iage lookawaridi iauna, manua iauna ta, to‘ase nai ‘i tautauia bare‘uia, ‘idi susu nadigega, wagega si apwesa.

Nugana 9:2

Ta ‘ami matauta ta ‘ami ‘atesa‘ara bare‘u ‘ina bomitawa iauna ‘edia ‘i da miami, mwatui manuina iauna ‘edia be; iage iauiauna ‘ediega bwa‘a ‘i maamaa, ta ora ianina iauiauna ma‘ediao, nimami ‘ena ia tagwaredi.

Nugana 9:7

Ta ‘omi, wa da losiwa, ta wa da eiau; bare‘uia wa da tubua sinabwana, ta ‘ena wa da eiau.

Salamo 148:7

Ieoba wa da tupuna bare‘uiega, ‘Omi rabarabaoo, ta iauiaumi loni‘uni‘uiao:

Si Apwesa 1:7

Ta Iseraela tubunao si losiwa, ta si susaila wawasae, ta si eiau, ta si ewaiwai wawasae; ta ‘asa si loemaena.

Si Apwesa 8:3

ta boasi‘awa ‘i da maa kwekwe ‘ediega, taudi si da tu‘e be ‘imu anuaia si da rugu, ‘imu anua‐‘ebe‘eno ‘ena be, ‘imu ‘ebe‘eno ‘ena be, ‘imu toguinuao ‘idi anua ‘ena be, ta ‘imu tomota ‘edia be, ‘imu ‘ebegabu ‘edia be, ‘imu gaeba‘ebebibi ‘edia be:

Iona 1:17

Ta Ieoba iana sinabwana ‘i me‘ena be Iona ‘i da tonena; ta Iona iana gamwanaia ‘ena ‘i miami asiata ‘e toi ta guguioi ‘e toi.

Iona 2:10

Ta Ieoba iana ‘i eonena, ga Iona ‘i maiwena bwa‘a iadaiadana ‘enaia.