Nugana 1:14 - Buki Tabu Lowaenei 1919

¹⁴ Ta Eaubada ‘i ona, Maiare si da apwesa garewa bwagabwagana ‘enaia be ‘enega asiata si da weari boiboiega; ta si da ‘ewe‘iwe‘iiaia manudi be, tuta manudi be, asiata ta iakwara manudi be:

Nugana 1:14 Σταυροειδείς Αναφορές

Nugana 1:13

Ta ni‘atu asuinuanua ta nia‘tu gonagona, ‘asiata ‘etonina.

Nugana 1:15

ta si da emaiare garewa bwagabwagana ‘enaia be bare‘u si da tuema‘edanina: ta ni‘atu ‘i nadigega.

Nugana 8:22

Tuta ‘enega bare‘u ‘i miami, ‘ebedauna ta ‘ebesesoi, gogai be iaiiai ta, nawarae iaiiai be nawarae gogai ta, asiata be boiboi ta, gea‘abo si da gumwagumwara.

Nugana 9:13

‘Igu ulele ni‘atu ia sa‘una poana ‘ena, ta tauna ‘i da ona‘upa‘upa ‘ana we‘iwe‘iiaia ‘eguia ta bare‘u ‘enaia.

Salamo 119:91

Batua si miami ‘imu loina tomwanao na‘ieadi; Iage iauiauna ‘imu to‐guinuao ta ‘enega.

Salamo 148:3

Wa da tupuna, sinara be nawarae: Wa da tupuna, iauiaumi ma‘edana ‘ina kwadimao.

Salamo 148:6

Wate ‘i giepa‘aridi ‘ataia ta ‘ataia: Loina ‘i bubuna tauna gea‘abo ‘i da sawara.

Salamo 150:1

Ieoba wa da tupuna. Eaubada wa da tupuna ‘ina anua tabu ‘enaia: Wa da tupuna ‘ina waiwai ‘ina bwagabwaga ‘enaia.

Salamo 81:3

Nawarae auauna ‘enega ioguli wa da mu‘e tu‘eie, Nawarae maibo‘ana ‘enaia, ‘ida sagari mwaumwau ‘enaia.

Isaia 40:26

Wa da ‘ita tu‘e tabwanaia, ta tauna getedi ‘i mweruruidi wa da ‘ita, tauna ‘idi boda i ‘ewa‐apwesa nigea ‘adi sawamo: iauiaudi ‘i bwauiedi ‘adi esanega; ‘ina waiwai ‘ana sinabwana ‘enega, ta ‘i pa‘ara ‘ina waiwaiega manuna, nigea ‘e bweu ‘i kakaena.