Nugana 1:1 - Buki Tabu Lowaenei 1919

¹ Nuganaia Eaubada garewa ta gabura ‘i mweruruidi.

Nugana 1:1 Σταυροειδείς Αναφορές

Salamo 102:25

Lowaeneiega gabura ‘ana ‘autu ‘u sa‘una; Ta garewao nimaio ‘idi guinua.

Salamo 104:24

Ieoba ie, ‘imu guinuao si iauwawasae! Sinasinapuiega ni‘atu ‘u mweruruidi iauiaudi: Bare‘u ‘i maa ‘imu oesiega.

Salamo 104:30

Iaruiaruaio ‘u etunena, si apwesa mwerumweruruidi; Ta ‘oio bare‘u matana ‘u giebobo‘ana limena.

Salamo 115:15

‘Omi oboobobomimi Ieoba ‘enega, Tauna garewa ta bare‘u ‘i mweruruidi.

Salamo 121:2

‘Igu leme Ieoba ‘enega, Tauna garewa ta bare‘u ‘i mweruruidi.

Salamo 124:8

‘Ada leme Ieoba ‘ana esana ‘enaia, Tauna garewa ta bare‘u ‘i mweruruidi.

Salamo 134:3

Ieoba ‘i da onaobobomeio Sionega; Tuga tauna garewa ta bare‘u ‘i mweruruidi.

Salamo 136:5

Tauna sinasinapuiega garewa ‘i mweruruidi ‘enaia: ‘Ina nua‘ole‘ole ‘i mia ‘ataia ta ‘enega.

Salamo 146:6

Tauna garewa ta bare‘u ‘i mweruruidi, Ora, ta iage iauiauna ‘edia si miami; Tauna ona‘ai‘aila i ‘ita‘i‘isi ‘ataena:

Salamo 33:6

Ieoba ‘ina ona ‘enega garewaia i bubudi; Ta ‘idi boda iauiauna ‘awana iawasinega.

Salamo 33:9

‘I ona, ta ni‘atu ‘i apwesa ta ‘enega; ‘I ona, ta ‘i tooro pa‘ara.

Salamo 8:3

‘Ena ‘imu garewa ia nuedi, nimamatagigio ‘idi guinua, Nawarae ta kwadimao, taudi ni‘atu ‘u sa‘u ‘ai‘ailidi;

Salamo 8:4

To‘ase tai, ga ‘enega manuna ‘u nuanua? Ta tai natuna, ta ‘enega ‘u mai sabi ‘itana?

Salamo 90:2

‘Oeao nigea si apwesama, Nai bare‘u ta gabura ‘u mweruruidi, Tuga tuta nigea ‘i apwesa ga tuta nigea ‘i da gumwara, ‘Oio Eaubada.

Salamo 96:5

Tomota ‘idi eaubada iauiaudi si iage besobeso ta ‘enega: Ta Ieoba garewao ‘i mweruruidi.

Si Apwesa 20:11

Asiata ‘e sikisi ‘enega Ieoba garewa ta bare‘u ‘i mweruruidi, ora, ta iage iauiauna ‘edia si miami, ta asiata ‘e sebeni nina ‘i miadaita: ta ‘enega Ieoba asiata sabate ‘i ‘awabobo‘anena, ta ‘i etabuna.

Si Apwesa 31:18

Ta ni‘atu ‘idi eonaona ma‘ieana ‘Oea Sinai ‘enaia ‘i losa‘u, ga ‘ebee‘ita ‘ina tebeli ‘e rua i ‘ebwaea Mose ‘enaia, tebeli gurewaiao, Eaubada nimamatagiginega i ‘etoladidi.

Isaia 37:16

Bodao ‘idi Ieoba ie, Iseraela ‘ina Eaubada, ‘Oio ierubima ‘edia ‘u miatoa, ‘oio bare‘u ‘ina ‘ebeloina iauiauna ‘idi Eaubada, tuga tebweuio; ‘oio garewa ta bare‘u ‘u mweruruidi.

Isaia 40:21

Nigea wa mwaratoni nai? Nigea wa nonona nai? nigea nai si simana ‘emia nuganega? Nigea nai wa sinapuna bare‘u ‘ina ‘autuiao ‘ediega?

Isaia 40:26

Wa da ‘ita tu‘e tabwanaia, ta tauna getedi ‘i mweruruidi wa da ‘ita, tauna ‘idi boda i ‘ewa‐apwesa nigea ‘adi sawamo: iauiaudi ‘i bwauiedi ‘adi esanega; ‘ina waiwai ‘ana sinabwana ‘enega, ta ‘i pa‘ara ‘ina waiwaiega manuna, nigea ‘e bweu ‘i kakaena.

Isaia 40:28

Nigea nai ‘u mwaratoni? Nigea nai ‘u nono? Eaubada miaataia, Ieoba, bare‘u ‘ana ‘ebelosaroniao ‘adi Tomwerurua, nigea ‘i tabataba, ta nigea ‘i lo‘ame‘ame; ‘ina sinasinapu nigea ‘e bweu i ‘ebesa.

Isaia 42:5

Gete nadigega Eaubada Ieoba ‘i gwae, tauna garewa ‘i mweruruidi, ta ‘i lisineasidi; tauna bare‘u ta iage ‘enega ‘i apwesa ‘i neasidi bababadi; tauna tomota ‘ena si miami iawasidi ‘i sa‘u, ta taudi ‘ena si lopilidadana iaruiaruadi i ‘ebwaedi:

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?

Isaia 51:16

Ta ‘igu ona ni‘atu ia sa‘u ‘awamuia, ta nimagu ‘ina iauiaukwa ‘ena ia bodemu, be ‘enega garewa ia da sa‘u ‘ai‘ailidi, ta bare‘u ‘ana ‘autu ia da sa‘udi, ta ia da ona Siona ‘ena, ‘Oio ‘igu tomota.

Isaia 65:17

Wa ‘ita, ta ‘enega, garewa auaudi ta bare‘u auauna ia mweruruidi: ta gimi iage gea‘abo ia da nua‘i‘isidi, nai ‘ategu ‘ena si da mai.