Loina 7:21 - Buki Tabu Lowaenei 1919

²¹ Ta ‘ena tai ‘e bweu iage nigea‐‘esasena ‘i gitoona, tai ‘ina nigea‐‘esasena, nai bomitawa nigea‐‘esasena, nai lage gadilulu nigea‐‘esasena, ta ‘ebwaeadaita guguia ‘ana taria esiona ‘enega i ‘e‘ai, tauna Ieoba ‘ina iage, iaruiarua gote ‘ina tomota ‘ediega si da upwena.

Loina 7:21 Σταυροειδείς Αναφορές

Nugana 17:14

Ta me‘olotona nigea lodabanamo tauna bwarana matana esiona nigea si dabadaba, iaruiarua gote si da ‘upwaiaulena ‘ina tomota ‘ediega; ‘igu ona‘upa‘upa ni‘atu ‘i li‘oena.

Si Apwesa 12:15

Asiata e sebeni palaua nigea malebeninamo wa da ‘e‘ai; gimi asiata ‘enega lebeni wa da ‘ewa iaulei ‘imi anua ‘ediega: tauna palaua malebeni i ‘e‘ani gimi asiata ‘enega ga asiata e sebeni nina, tai maiawasina gote Iseraelega si da ‘upwaiaulena.

Si Apwesa 12:19

Asiata ‘e sebeni gea‘abo lebeni si da lobaloba ‘imi anua ‘edia: tauna iage lolebenina i ‘enina, tauna tomota‐maiawasina nina boda Iseraela ‘enega si da ‘upwa‐iaulena ta ‘enega, nai tomia to‘u‘umara, nai tauna ‘i tubua ‘asa ‘enaia.

Loina 11:20

Iage mapapedi si kawakawara iauiaudi si tautauia ‘aedi e ata ‘ediega si da gadilulu ‘emia.

Loina 12:1

Ta Ieoba ‘i ona Mose ‘enaia, ‘i gwae,

Loina 17:10

Ta tauna tai Iseraela ‘ina susu ‘enega, nai to‘u‘umara ‘edia si miami ‘ediega, tauna rara ‘e bweuna i ‘e‘ai; matagu ia da giedumaduma iaruiarua gote rara i ‘e‘ai ‘enaia, ta ia da ‘upwena ‘ina tomota ‘ediega.

Loina 17:14

Esio iauiauna iawasina leleana, rarana i ‘e bweuna iawasina ma‘ieana: ta ‘enega ia ona Iseraela tubunao ‘edia, Gea‘abo ‘e bweu esio rarana wa ‘e‘ani: esio iauiauna iawasina tauna rarana ta ‘enega: tauna i ‘enina si da ‘upwa iaulena.

Loina 18:29

Tauna iage gadilulu getedi ‘e bweuna ‘i da guiguinue, tugama iaruiarua si guinuedi si da ‘upwa iauledi ‘idi tomota ‘ediega.

Loina 19:8

Ta tai iauna si ‘enina ‘idi bubuna bokobokona si da ‘a‘ari, Ieoba ‘ina iage tabu ni‘atu si giebesobesona ta ‘enega: ta iaruiarua gote si da ‘upwa iaulena ‘ina tomota ‘ediega.

Loina 20:3

‘Abo‘agu wate maninigu ia da sa‘u tai gote matanaia, ta ia da ‘upwa iaulena ‘ina tomota ‘ediega; tubunao ‘ediega i ‘ebwaea‘edi Moleka ‘ena ta ‘enega, be ‘igu anua tabu ‘i giebaili, ta ‘agu esana tabu ‘i da gibesobeso.

Loina 22:3

‘Edia ‘u da gwae, Tauna tubumiao iauiaudi ‘ediega ‘imi epata‐tomota ‘edia, tauna iage tabu ‘edia ‘i doro, taudi Iseraela tubunao si gie‘esasedi Ieoba ‘enaia, ‘abo ma‘ina bi‘i, iaruiarua gote si da ‘upwa‐iaulena mataguiega; ‘Abo‘agu Ieoba.

Loina 22:4

To tai nai Aarona tubuna ‘i lepero, nai oona daudauna; iage tabu gea‘abo ‘ediega ‘i da ‘e‘ai, ga ‘i da ‘esasena bemi. Ta tauna iage ‘e bweuna ‘i bi‘i kokoa manuna ‘i gitoona, nai tai tauna aiona ‘enega ‘i apwesa;

Loina 23:29

Ta iaruiarua nai nigea i ‘elo‘uia asiata tauna gote ‘enega, ‘ina tomota ‘ediega si da ‘upwa iaulena ta ‘enega.

Loina 7:20

Ta iaruiarua ‘ebwaeadaita guguia ‘adi taria esiona ‘enega i ‘e‘ai, tauna Ieoba ‘ina iage, ta ma‘ina nigea‘esasena, iaruiarua gote ‘ina tomota ‘ediega si da ‘upwena.

Loina 7:22

Ta Ieoba ‘i ona Mose ‘enaia, ‘i gwae,

Loina 7:25

Tauna bomitawa iapana i ‘e‘ai, tauna ‘enega tai ‘ebwaeadaita aweiega Ieoba ‘enaia si ‘ebwaea, tauna iaruiarua i ‘enina si da ‘upwena ‘ina tomota ‘ediega.

Loina 7:27

Tauna rara ‘e bweuna i ‘e‘ani, iaruiarua gote si da ‘upwena ‘ina tomota ‘ediega.