Loina 7:12 - Buki Tabu Lowaenei 1919

¹² ‘Abo i ‘ebwaea lokagutoki manuna, ga ‘i da ‘ebwaea lokagutoki ‘ana taria ma‘ieana keke nigea‐ma‐lebenidimo si ilienoenowena bunama ma‘ieana, ta dedeadi nigea‐ma‐lebenidimo bunamega si siwarorodi, ta keke si ilienoenowena bunama ma‘ieana, palaua ‘esasena ‘i pwasapwasana ‘enega.

Loina 7:12 Σταυροειδείς Αναφορές

Salamo 107:8

‘Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 116:17

Taria ‘ebelokagutoki ia da ‘ebwaemu, Ta Ieoba ‘ana esana ‘ena ia da bwau.

Salamo 50:23

Tauna tuputupu ‘ina taria i ‘ebwaea tauna i ‘awaeseesegu: Ta tauna ‘ina bubuna ‘i sa‘u ‘ai‘ailina Eaubada ‘ina ‘etoseana ia da e‘ita ‘enaia.

Loina 2:4

Ta ‘ena ‘ebwaeadaita palaua umura ‘ena si gabuna ‘ana ‘ebwaeadaita u ‘ebwaea, ‘i da e keke nigea malebeninamo palaua ‘esasena bunama ma‘ieana si ilienoenowena, nai iage dedeadi nigea malebenidimo bunamega si bunamina.

Loina 2:5

Ta ‘abo ‘imu ‘ebwaeadaita ‘i e ‘ebwaeadaita palaua tegategana ‘enega dedeana, tauna ‘i da e palaua ‘esasena nigea lolebeninamo ‘enega, si ilienoenowena bunama ma‘ieana.

Loina 22:29

Ta ‘ena lokagutoki ‘ana taria wa taria Ieoba ‘enaia, wa da tariena be wa da bobo‘ana matanaia.

Loina 6:16

Ta tauna tupwana ‘enega Aarona ta natunao si da ‘enina: si da ‘enina nigea malebeninamo, esena tabu ‘enaia; anua ‘ebeeloba ‘atamaninaia ‘ena si da ‘enina.

Loina 7:15

Ta ‘ina ‘ebwaeadaita guguia ‘adi taria esiona lokagutoki manuna ‘ina ‘ebwaeadaita ‘ana asiata ‘enega ‘i da ‘e‘ai; gea‘abo ‘e bweu ‘i sa‘usa‘u ga gonagonaia.