8 Ta Ieoba ‘i ona Mose ‘enaia, ‘i gwae,
‘Abo ‘ina ‘ebwaeadaita i ‘ebwaeadaita gabugabu bulomakau iau ‘enega, me‘olotona nigea ma‘ina to‘umalina ‘i da ‘ebwaea: anua ‘ebeeloba ‘ana ‘awa ‘enaia ‘i da ‘ebwaea, be ‘enega Ieoba nuana ‘i da bobo‘ana ‘enaia.
Ta Aarona to taria natunao ‘awe sabelulu si da sa‘u ‘ebetaria ‘enaia, ta kaiwe si da sa‘u ‘ai‘aili awe sabelulu ‘enaia:
Ta to‐taria ‘i da gienua‘ebweu manuna Ieoba matanaia, ta ‘ina to‘umalina ‘i da kweuna; to‘ase nai ‘i guinua ga ‘enega ‘i to‘umalina leleana.
Aarona ta natunao ‘edia ‘u da ona, ‘u da gwae, Gete ‘ebwaeadaita‐gabugabu ‘ana loina: ‘ebwaeadaita gabugabu nina ‘ana kaiwe ‘ebetaria ‘enaia ‘ena ‘i da mia masari ga gonagonaia; ta ‘ebetaria ‘ana awe ‘ena ‘i da ‘ara‘arata ‘ataia.
