Loina 24:7 - Buki Tabu Lowaenei 1919

⁷ Ta mu‘ana ‘esasena ‘u da sa‘u raba ‘e bweuna ‘e bweuna ‘enaia, be ‘i da ‘ebenua‘i‘isi palaua ‘enaia, tuga ‘ebwaeadaita si bubuna aweiega Ieoba ‘enaia.

Loina 24:7 Σταυροειδείς Αναφορές

Nugana 9:16

Ta ulele poana ‘ena ‘i da miami; ta ia da duneiena, be ‘enega ona‘upa‘upa ‘i da mia ‘ataia Eaubada ‘enaia ta esio iauiauna bare‘uia mwerumweruruina maiawasina iauna ‘edia ia da nua‘i‘isi.

Si Apwesa 12:14

Ta asiata gete ‘i da ‘ebenua‘i‘isi manuna ‘emia, ta wa da ‘ita‘i‘isina sagari Ieoba ‘enaia: ‘imi epata‐tomotaiao ‘ediega wa da ‘ita‘i‘isina sagari loina ‘enega ta gea‘abo ‘i da gumwagumwara.

Si Apwesa 13:9

Ta ‘i da we‘iwe‘iiaia ‘emuia nimaio ‘enaia, ta ‘ebenua‘i‘isi manuna mataio gamwagamwanidia, be ‘enega Ieoba ‘ina loina ‘awaio ‘ena ‘i da miami: nima waiwaiiega Ieoba i ‘au‘ewemu Aigupitoega ta ‘enega.

Si Apwesa 17:14

Ta Ieoba ‘i ona Mose ‘enaia, Gete ‘u da ‘etoladina ‘ebenua‘i‘isi manuna buki ‘ena, ta Iosua tenanaia ‘u da ona ‘ena: ‘aene Amaleka ‘ana ‘ebenua‘i‘isi ia da kweu ‘ai‘ailina garewa ‘ubunega.

Si Apwesa 28:12

Ta gurewa nidi ‘e rua ‘u da sa‘u taraapwara ‘ina ‘ebesaara ‘arana ‘enaia, be si da ‘e gurewa ‘ebenua‘i‘isi Iseraela tubunao manudi: ta Aarona ‘adi esanao ‘i da ‘a‘aridi Ieoba matanaia ‘arana ‘e rua ‘edia ‘ebenua‘i‘isi manuna.

Isaia 43:23

‘Imu ‘ebwaeadaita gabugabu ‘ina bulomakau me gidaridi nigea ‘u me‘ena ‘eguia; nai u ‘amaiabegu ‘imu tariao ‘ediega. Nigea ‘imu guinua ia sa‘u ‘ebwaeadaitao ‘ediega, nai ooio ia gienua mu‘anega.

Loina 2:1

Ta ‘ena ‘e bweu ‘ebwaeadaita palaua i ‘ebwaea Ieoba ‘enaia, ‘ina ‘ebwaeadaita ‘i da epalaua ‘esasena; ta bunama ‘i da siwa ‘enaia, ta mu‘ana ‘ena ‘i da sa‘u:

Loina 2:2

Ta Aarona natunao me‘olotodi to taria nidi ‘edia ‘i da me‘ena: ta ‘enega palaua ‘esasena nimanega ‘i sapwasapwarina ‘enega ‘i da ‘ewa, ta bunama ‘enega, ma‘ina mu‘ana maibo‘ana ‘enega; ta to taria ‘i da gabuna ‘ana ‘ebenua‘i‘isi ‘ebetaria ‘enaia, ‘ebwaeadaita aweiega, maina dibidibina Ieoba ‘enaia:

Loina 2:9

Ta to taria ‘ebwaeadaita palaua ‘enega ‘ina ‘ebenua‘i‘isi ‘i da ‘ewena, ta ‘ebetaria ‘ena ‘i da gabuna: ‘ebwaeadaita aweiega, maina dibidibina Ieoba ‘enaia.