Loina 10:13 - Buki Tabu Lowaenei 1919

¹³ Ta esena tabuna ‘ena ‘u da ‘enina, ‘amu ‘egu‘eguiai ta ‘enega, ta natunao ‘adi ‘egu‘eguiai, Ieoba ‘ana ‘ebwaeadaita si bubudi aweiega ‘ediega: nadigega ‘eguia ‘i ona ta ‘enega.

Loina 10:13 Σταυροειδείς Αναφορές

Loina 10:12

Ta Mose ‘i ona Aarona ‘enaia, ta Eleasara ‘enaia ta Itamara ‘enaia, natunao me‘olotodi si tupwatupwa, ‘Ebwaeadaita rabia Ieoba ‘ana ‘ebwaeadaita si bubuna aweiega ‘ediega ‘i tupwatupwa, wa da ‘ewena, ta wa da ‘enina nigea malebeninamo ‘ebetaria deinaia; tauna i ‘e etabu sana ta ‘enega:

Loina 10:14

Ta lumaluma lo‘uio‘uiona ta bwadaga gilagilasina wa da ‘enidi esena ‘esasena ‘enaia; ‘oio, natumuao me‘olotodi, ta natumuao mewainedi ma‘emuao; si ‘ebwaea‘edi ‘amu ‘egu‘eguiai manuna, ta natunao me‘olotodi ‘adi ‘egu‘eguiai, Iseraela tubunao ‘idi ‘ebwaeadaita guguia ‘adi taria ‘ediega.

Loina 2:3

Ta ‘ebwaeadaita palaua ‘i tupwatupwa tauna ‘i da Aarona ‘ana iage ta natunao ‘adi iage: tauna iage tabu wawasae Ieoba ‘ana ‘ebwaeadaita aweiega ‘ediega.

Loina 6:16

Ta tauna tupwana ‘enega Aarona ta natunao si da ‘enina: si da ‘enina nigea malebeninamo, esena tabu ‘enaia; anua ‘ebeeloba ‘atamaninaia ‘ena si da ‘enina.