Isaia 9:7 - Buki Tabu Lowaenei 1919

⁷ ‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.

Isaia 9:7 Σταυροειδείς Αναφορές

Salamo 2:8

‘Eguiega ‘u da ona, ta ‘ebeloina ia da ‘ebwaemu ‘amu ‘egu‘eguiai manuna, Ta bare‘u ‘ina esena ‘ana ‘ebelosa‘u ‘imu iage manuna.

Isaia 11:1

Ta Iese ‘arenega bwasila ‘e bweuna ‘i da apwesama, ta nari ‘e bweuna ramunega ‘i da uaua:

Isaia 16:5

Ta ‘ebemi‐esaesa ‘i da mia pa‘ara ‘atenua‘ole‘ole ‘enaia, ta ‘e bweu ‘ena ‘i da miatoa ona‘ai‘ailega, Dabida ‘ina anuanaia ‘enaia; ‘i loiloina, ta etara i ‘ebe‘ebesa, ta ‘i lomanini sabi guinua bubuna paruparu.

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 37:32

Ierusalemega tupwana ‘i da apwesa ta enega, ta ‘oea Sionega taudi si da dena; bodao ‘idi Ieoba ‘ina waiwai iage gete ‘i da bubuna.

Isaia 40:10

Wa ‘ita, ‘Inapwana Eaubada ‘i da mai to ewaiwai na‘ieana, ta nimana ‘i da loina tauna manuna; wa ‘ita, ‘ina tamapu ma‘ieana; ta ‘ina e‘isa matanaia.

Isaia 42:13

Ieoba ‘i da apwesa tai waiwai ‘atua, e‘ipi‘ipi ‘i da giniuiei nadigega tai losaia; ‘i da bwau, tamo, ‘i da bwau toila, ‘i da guinua waiwai ‘ana tarauwarao ‘edia.