Isaia 9:16 - Buki Tabu Lowaenei 1919

¹⁶ Taudi tomota gete ‘idi tonuganao si gieloegesiedi; ta taudi nuganuganidi si saoora.

Isaia 9:16 Σταυροειδείς Αναφορές

Isaia 10:4

Si da ‘opu‘opumo ioniionidi ‘agaraudia, ta si da be‘u to esilae ‘ubunidia. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 19:14

Ieoba iaruiarua loguitoasa ‘i ilia soranaia: Aigupito si gieloegesiei guinua iauna ‘enega, ‘atua tai ‘i numa bolausa ‘i gadogado ‘ina maiwa ‘ena.

Isaia 3:12

Ta ‘igu tomota manudi, gogama si unuedi, ta iine si loinaedi. ‘Igu tomota ie, taudi si nuganeio si gieloegesiemi, ta ‘imu ‘eda ‘aredi si giesaooridi.

Isaia 5:25

Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.