Isaia 66:5 - Buki Tabu Lowaenei 1919

⁵ Ieoba ‘ina ona wa da nonona, ‘omi wa dedera ‘ina ona ‘enega: Tasimiao si guitoasemi, taudi si ‘ulaapwesemi ‘agu esana manuna, ni‘atu si gwae, Ieoba si da ‘awaeseesei, be ‘enega ‘imi guausoara ‘a da ‘itena; ta si da omaiamaia.

Isaia 66:5 Σταυροειδείς Αναφορές

Salamo 119:120

Esiogu ‘i dedera matausio manuna; Ta ‘imu etara manudi ia ‘atesa‘ara.

Salamo 38:20

Taudi wate bubuna to‘umalina si e‘isena bubuna bobo‘ana manuna. Si etarauwara ‘eguia, iage bobo‘ana ia muriena ta ‘enega.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 5:19

Taudi si gwae, ‘I da lomanini, ‘ina guinua ‘i da lomaniniena be ta da ‘ita: ta Iseraela ‘ina Tabu Tebweuna ‘ina nuena ‘i da doroma ta ‘i da mai, be ta da mwaratonina!

Isaia 60:15

Lowa si e‘idi‘idiemu ta si guitoasemu, ta ‘enega nigea ‘e bweu tai ‘i rubwareio, ta gete ia da bubuio be ‘u da bobo‘ai‘ailina ‘ataia, ‘epata tomota iauna ‘idi ‘ebeguausoara.

Isaia 65:13

Ta ‘enega gete nadigega ‘Inapwana Eaubada ‘i gwae, Wa ‘ita, ‘igu to‐guinuao si da ‘e‘ai, ta wa da botana: wa ‘ita, ‘igu toguinuao si da numa, ta ‘omi tona‘ami ‘i da iapasa: wa ‘ita, ‘igu to‐guinuao si da guausoara, ta ‘omi wa da omaiamaia:

Isaia 66:2

Iage iauiauna getedi nimagu ‘i mweruruina ta ‘enega, ta nadigega iage iauiauna getedi si apwesama, Ieoba ‘i gwae: ta tai gete ‘ena ia da dune, tuga tauna ‘i gomabeso ta iaruiaruana i ‘aue‘umula ‘enaia, ta tauna ‘i dededera ‘igu ona ‘enega.