Isaia 66:4 - Buki Tabu Lowaenei 1919

⁴ ‘Abo‘agu wate ‘idi kabokaboiao ia da ‘esinua, ta ‘idi matauta ia da me‘ena ‘edia; ‘ena ia bwau, nigea ‘e bweu ‘i onalimana ta ‘enega; ‘ena ia ona, nigea si nono: ta iage nidi ‘i to‘umalina mataguao ‘edia si guinuedi, ta iage ‘enega nigea ia ‘uiawana si ‘esinua.

Isaia 66:4 Σταυροειδείς Αναφορές

Salamo 81:12

Ta ‘enega ia tagwaredi ‘atedi ‘idi pa‘arina ‘enaia, Be ‘enega taudi ‘idi nuanua ‘edia si da tautauia.

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 59:15

Tamo, ona‘ai‘aila kakae; ta tauna to‘umalina ‘i pilisinena ‘i bubuna tauna be i ‘e ‘ebe‘oae: ta Ieoba i ‘itena, ta nuana ‘i to‘umalina nigea ‘e bweu loina ‘i miami ta ‘enega.

Isaia 59:7

‘Aedi si pilipili to‘umalina ‘ena, ta si lomanini be rara nigea to‘umalina si giedau: nuadi bubuna to‘umalina nuadiao; waborebore ta saoora ‘idi ‘edao ‘edia si miami.

Isaia 65:12

Ia da ‘aseiemi sisi‐saia ‘ena, ta iauiaumi wa da ‘opu‘opu esilae ‘ena: ‘ena ia bwau, nigea wa nono ta ‘enega: ‘ena ia ona, nigea wa nono; ta iage to‘umalina matagu ‘edia wa guinua, ta iage nigea manuna ia guausoara wa ‘esinuena.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega:

Isaia 65:3

Tomota si eiaba‘ataiegu mataguia, bagura ‘edia si taria, ta mu‘ana si gabu gurewa gabugabu ‘edia:

Isaia 65:7

Taumimo ‘imi bubuna bokobokoiao, ta tamamiao ‘idi bubuna bokobokoiao rererea, Ieoba ‘i gwae, taudi mu‘ana si gabu ‘oea sinabwadi ‘edia, ta si ona besobeso ‘eguia ‘oea gidaridi ‘edia; ta ‘enega nugana ‘idi guinua ia da ‘etopwapwa lumalumadi ‘enaia.