Isaia 61:3 - Buki Tabu Lowaenei 1919

³ Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 61:3 Σταυροειδείς Αναφορές

Esiteri 8:15

Ta Modekai king matanega ‘i apwesa ma‘ana ‘oama esaesa karakarawina ta wakewakekena, ta ma‘ana peaula gola sinabwana, ta ma‘ana tara‘apwara kaleko matagidarina ta bweabwearina: ta ‘asa Susa ‘i bwau ta ‘i eguausoara.

Esiteri 9:22

‘Atua asiata ‘ediega me Iuda ‘adi tarauwarao ‘ediega si eiawai‘ata, ta nawarae nina i ‘ebunina ‘edia dedoiega uiawana ‘enaia, ta ‘ewabamuiega asiata bobo‘ana ‘enaia: be ‘enega si da bubudi be si da e asiata ‘ebelosagari ta ‘ebe‘eguausoara, ta ‘ebwa‘ebwaea dadana ‘e bweuna ‘e bweuna ‘enaia, ta ‘ebwaeadaita gomabeso ‘edia.

Salamo 104:15

Ta oine tauna tai ‘atena ‘i gieguausoarina, Ta bunama be maninina ‘i da lo‘ega‘egaga, Ta masura tauna tai ‘atena ‘i giepa‘ari.

Salamo 149:4

Ieoba ‘i uiawana ‘ina tomota manudi ta ‘enega: Taudi ‘idi bubuna nuana ‘adi ‘ita ‘i da giebobo‘anena ‘etoseanega.

Salamo 23:5

Tebeli ‘u sa‘u ‘ai‘aili mataguia ‘agu tarauwarao matadia: Debagu ‘u siwarorona bunamega; ‘igu keiga ‘i maa‘apu‘apu.

Salamo 30:11

Manugu ni‘atu ‘igu ‘ewabamu ‘u gibunina lausa ‘enaia; ‘Agu ‘oama ‘oausa ni‘atu ‘u alolona, ta ‘u elogadiwanigu guausoarega:

Salamo 30:12

‘Arena ‘aene ‘igu esaesa, ‘i da wari tuputupu ‘emuia, ta gea‘abo ‘i da ‘ara‘araenono. Ieoba ie, ‘igu Eaubada, ‘emuia ia da lokagutoki ataia.

Salamo 45:7

Bubuna paruparuna ni‘atu ‘u nuanuana sinabwana, ta bubuna to‘umalina ni‘atu ‘u guitoasena: Ta ‘enega Eaubada, ‘imu Eaubada, ‘i eoromu Sinabwa wawasae ‘amu epata ‘edia guausoara ‘ana bunamega.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 44:23

Wa da wari, ‘omi garewao ie, Ieoba ni‘atu ‘i guinuena ta ‘enega; wa da bwau, ‘omi bare‘u ‘ina esenanao lo‘ubuna; ‘Omi ‘oeao, mitawa ie, ta kaiwe iauna ‘ena, wa da pwaila wari ‘enega: Ieoba ni‘atu Iakobo i ‘ewa‐limena ta ‘enega, ta tauna esaesa ‘i da sa‘u Iseraela ‘ena.

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 52:1

‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.