Isaia 61:1 - Buki Tabu Lowaenei 1919

¹ ‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 61:1 Σταυροειδείς Αναφορές

Salamo 102:20

Sabi nono ioniionina ‘ina eiawasilagalaga; Sabi li‘amidi mwawasa natunao;

Salamo 147:3

Taudi ‘atedi ‘i episarina ‘i gi‘ebobo‘anedi, Ta ‘adi ‘abiiama ‘i paimidi.

Salamo 149:4

Ieoba ‘i uiawana ‘ina tomota manudi ta ‘enega: Taudi ‘idi bubuna nuana ‘adi ‘ita ‘i da giebobo‘anena ‘etoseanega.

Salamo 2:6

Ta ‘igu king ni‘atu ia sa‘una ‘Igu ‘oea tabu Siona ‘enaia.

Salamo 22:26

Taudi ‘idi bubuna nuana si da ‘e‘ai ga sawesawedia: ‘Atemi ‘i da mia ataia.

Salamo 25:9

To oonua ‘i da nuganedi loina ‘enaia: Ta to oonua ‘ina ‘eda ‘edia ‘i da e‘itae.

Salamo 34:18

Ieoba taudi ‘atedi ‘episarina serabedia ‘i miami, Ta taudi iaruiaruadi ‘episarina i ‘etoseedi.

Salamo 45:7

Bubuna paruparuna ni‘atu ‘u nuanuana sinabwana, ta bubuna to‘umalina ni‘atu ‘u guitoasena: Ta ‘enega Eaubada, ‘imu Eaubada, ‘i eoromu Sinabwa wawasae ‘amu epata ‘edia guausoara ‘ana bunamega.

Salamo 51:17

Eaubada ‘ana tariao iaruiarua pisarina: Eaubada ie, ‘ate episarina ta e‘ida‘idana nigea ‘u da sinarina.

Salamo 68:7

Eaubada ie, ‘ena ‘u apwesa ‘imu tomota matadia, ‘Ena mitawa ‘u rubwarena; (Sela.)

Salamo 69:32

To oonua ni‘atu si ‘itena, ta si guausoara; ‘Omi Eaubada wa ‘ebesa, ‘atemi ‘i da etapewa.

Si Apwesa 28:41

Ta tasio Aarona ‘ena ‘u da ‘e‘otena, ta natunao me‘olotodi ‘edia ma‘enao; ta ‘u da bunamidi, ta nimadi ‘u da loemae be si da taria, ta ‘u da etabudi, be ‘enega ‘eguia si da guinua to taria ‘ina guinua ‘enaia.

Si Apwesa 29:7

Ga bunama ‘ebe‘oroa ‘u da ‘ewena, ta debanaia ‘u da siwa, ta ‘u da e‘orona.

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 30:26

Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

Isaia 32:7

To boruma ‘ina ‘ebeguinuao si to‘umali: wasegigi to‘umalidi ‘i wasegigi be gomabeso ‘i da giesaooridi ‘ona kabokabo ‘ediega, tuga ‘ena nanaewadi si onaona paruparu.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 42:7

Be mata kebokebodi ‘i da gigege, ioniionidi ‘i da me‘edi gogorega, ta taudi si miatoa guguioi ‘ena anua ‘ebeionega.

Isaia 48:16

Serabeguia wa da mai, gete wa da nonona; nuganega nigea ia ona kwaia; tuta ‘i miami ‘enega, ‘ena ‘abo‘agu: ta gete ‘enega ‘Inapwana Eaubada ‘i etunegu, ta iaruiaruana.

Isaia 49:9

Be ioniionidi ‘edia ‘u da gwae, Wa da apwesawa; tomia guguioi ‘edia, Wa da e‘ita‘emi. Si da ‘e‘ai ‘eda ‘ediega, ta ‘oea bwa‘adaisidimo iauiauna ‘adi ‘e‘ai ‘edia ‘i da miami.

Isaia 52:7

Tauna tetera bobo‘adi ‘i me‘edi ‘aena bobo‘ai‘ailidi ‘oeao ‘edia, tauna guguia ‘i etetera, tauna bobo‘ana ‘ina tetera bobo‘adi ‘i me‘edi, tauna ‘etoseana ‘i guguiaei; tauna Siona ‘ena ‘i ona, ‘Imu Eaubada ‘i loiloina!

Isaia 52:9

Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Isaia 57:18

Ni‘atu ‘ina bubunao ia ‘itedi, ta ia da giebobo‘anena: wate ia da ‘au‘ewena, ta iage ‘ebeguausoara ia da ‘ebwaealimedi ‘enaia ta ‘ina to ‘ewabamu ‘edia.

Isaia 59:21

Ta ‘abo‘agu manugu, gete ‘igu ona‘upa‘upa ma‘edi, Ieoba ‘i gwae: iaruiaruagu tauna ‘emuia ‘i miami, ta ‘igu ona taudi ‘awamuia ia sa‘u, gea‘abo ‘awamuiega si da tauiawa, nai tubumuao ‘awadiega, nai tubumuao tubudiao ‘awadiega, Ieoba ‘i gwae, gete ‘enega ta tuta ‘ataia.

Isaia 66:2

Iage iauiauna getedi nimagu ‘i mweruruina ta ‘enega, ta nadigega iage iauiauna getedi si apwesama, Ieoba ‘i gwae: ta tai gete ‘ena ia da dune, tuga tauna ‘i gomabeso ta iaruiaruana i ‘aue‘umula ‘enaia, ta tauna ‘i dededera ‘igu ona ‘enega.

Loina 7:35

Gete Aarona ‘ina oroa‐tomwana, ta natunao ‘idi oroa‐tomwana, Ieoba ‘ana ‘ebwaeadaita si bubuna aweiega ‘ediega, asiata ‘enega i ‘ebwaea‘edi be si guinua Ieoba ‘enaia to‐taria ‘ina guinua ‘enaia;