Isaia 60:9 - Buki Tabu Lowaenei 1919

⁹ Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.

Isaia 60:9 Σταυροειδείς Αναφορές

Nugana 9:27

Eaubada Iapeta ‘i da giesinabwa, Ta Sema ‘ina anua ‘edia ‘i da miami; Ta Kanania ‘i da e ‘ina toguinua.

Salamo 48:7

Bomatuiega Waga Tasisa ‘u wearidi.

Salamo 72:10

Tasisa ta saru ‘adi kiniao ‘ebwaeadaitao si da me‘edi: Sieba ta Seba ‘adi kiniao ‘ebwaeadaitao si da ‘ebwaeae.

Salamo 97:1

Ieoba ‘i loiloina; bare‘u ‘i da guausoara; Saru ‘adi iau si da uiawana.

Si Apwesa 33:19

Ta ‘i gwae, ‘Igu bobo‘ana maibo‘ana ia da gitaonena matamuia, ta Ieoba ‘ana esena ia da ‘inana matamuia; ta ia da nuabobo‘ana taudi nuagu ia da nuabobo‘ana ‘edia, ta ia da e‘ita nua‘ole‘ole taudi nuagu ia da e‘ita nua‘ole‘ole ‘edia.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 2:16

Ta waga Tasisa iauiauna ‘edia, ta eiara iauiauna ‘adi ‘ita bobo‘ana ‘edia.

Isaia 24:15

Ta ‘enega Ieoba wa da ‘awaeseesei bomatu ena, tuga Ieoba ‘ana esana, Iseraela ‘ina Eaubada, ora sarunao ‘edia.

Isaia 42:10

Wari auauna wa da wariei Ieoba ‘enaia, ta ‘ana tuputupu bare‘u ‘ana ‘ebelosaroniega; ‘omi wa mwa‘uta oraia, ta iage iauiauna ‘ena si miami, saruiao, ta ‘ana tomi.

Isaia 42:4

Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.

Isaia 43:4

‘Oio bobo‘ai‘ailiio mataguia, ta ‘ama‘amaiabaio, ta ‘enega ia obobomeio; ta ‘enega tai ia da ‘ebwaea‘edi manuio, ta tomotaiao iawasiio manuna.

Isaia 43:6

Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Isaia 57:17

‘Ina iato‘ai ‘ina bubuna bokoboko manuna ia gamwasoara ta ia ununa, maninigu ia kwaiena ta ia gamwasoara: ta ‘i tauia sanasana‘ila ‘atena ‘ina bubuna ‘enega.

Isaia 60:4

‘U da dune tu‘e dadana, be u ‘ita: iauiaudi si egogonedi rererea, si mai ‘emuia: natumuao me‘olotodi si da mai ‘edasorega, ta natumuao me wainedi si da ‘amwamwedi.

Isaia 60:6

Kameli mapwarudi si da bodemu, kameli menonoiadi Midiana ta Epa ‘ediega; iauiaudi Sebega si da mai: gola ta mu‘ana si da me‘edi, ta Ieoba ‘ana tuputupu si da ‘inana.

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.