Isaia 60:3 - Buki Tabu Lowaenei 1919

³ Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 60:3 Σταυροειδείς Αναφορές

Nugana 49:10

Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

Salamo 102:16

Ieoba Siona i ‘abi tu‘e ta ‘enega, Ni‘atu ‘i apwesa ‘ina esaesa ‘enaia;

Salamo 102:22

‘Ena tomota si deriegogona, Ta ‘ebeloinao, sabi guinua Ieoba ‘enaia.

Salamo 138:4

Ieoba ie, bare‘u ‘ina king iauiaudi ‘emuia si da lotuputupu, ‘Awaio ‘ina ona ni‘atu si nonodi ta ‘enega.

Salamo 2:10

Gete ‘enega wa da sinasinapu ta ‘enega, ‘omi kiniao: Wa da nono e‘ita, ‘omi bare‘u ‘ina to‐loinao.

Salamo 22:27

Bare‘u ‘ana ‘ebelosaroni iauiauna si da nua‘i‘isi ta Ieoba ‘ena si da sana‘ila: Ta ‘asa ‘idi boda iauiauna matamuia si da bwagobwago.

Salamo 68:29

‘Imu anua tabu Ierusalema ‘enaia manuna Kiniao ‘ebwaeadaitaiao si da me‘edi ‘emuia.

Salamo 72:11

Tamo, king iauiauna matanaia si da be‘u: ‘Ebeloina iauiaudi ‘ena si da guinua.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 42:6

‘Abo‘agu Ieoba ni‘atu ia bwauiemu bubuna paruparuiega, ta nimaio ia da giiai, ta ia da ‘ita‘i‘isio, ta ia da ‘ebwaea‘eio tomota ‘idi ona‘upa‘upa manuna, ‘Asa‐apwesa ‘idi ma‘edana manuna;

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 45:22

Wa da ‘ita ‘eguia, ta wa da bobo‘ana, bare‘u ‘ina ‘ebelosaroniao iauiaumi: ‘abo‘agu Eaubada ta ‘enega, ta nigea wate ‘e bweu.

Isaia 49:12

Wa ‘ita, getedi ‘edasorega si da mai: ta, wa ‘ita, getedi iaaratega ta ‘ebwagega; ta getedi ‘asa Sinima ‘enega.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 56:8

‘Inapwana Eaubada Tauna Iseraela ‘ina to mia apwesa ‘i egogonedi ‘i gwae, Ta ‘ena ‘aidi wate ia da egogonedi, ta nigea taudimo ‘ina tomota ni‘atu si egogona.

Isaia 60:10

Ta to‘u‘umarao ‘imi ‘ari‐gurewa si da ‘abidi, ta ‘idi kiniao ‘emuia si da guinua: ‘igu gamwasoarega ia unuio ta ‘enega, ta ‘igu nuabobo‘anega ia ‘atenua‘ole‘olemu.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.