Isaia 54:14 - Buki Tabu Lowaenei 1919

¹⁴ Bubuna paruparuiega ‘u da mia pa‘ara: didigega ‘u da mia ‘edasora, gea‘abo ‘u da matauta ta ‘enega; ta ‘ebedidigega, gea‘abo ‘i da mai serabemuia ta ‘enega.

Isaia 54:14 Σταυροειδείς Αναφορές

Isaia 1:26

Ta ‘imu to loinao ia da sa‘u limedi ‘atua tuta ‘e bweunega, ta ‘imu to‐onaonaiao ‘atua nuganaia: muriega si da eesemu, Bubuna paruparu ‘ina ‘asa, ‘asa bubuna ‘ai‘aila.

Isaia 1:27

Siona si da e‘isa limena etaraiega, ta ‘ina to‐nuaebuniao bubuna paruparuiega.

Isaia 14:4

Onasemalimali gete ‘u da ‘ewena Babulonia ‘ana king manuna, ta ‘u da gwae, Wa ‘ita to unua ni‘atu ‘i sa‘una! ‘Asa gola ni‘atu ‘i sa‘una!

Isaia 16:4

‘Igu to dena apwesa ‘u da tagwara be si da miamia ma‘ieaio; ta Moaba manuna, ‘u da e‘ebedena ‘enaia to ‘oae matanega: to ‘oae ni‘atu ‘i mia besobeso ta ‘enega, ‘oae ni‘atu ‘i gumwara, to ‘aiaina ni‘atu si gumwara ‘asega.

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 32:17

Ta bubuna paruparu ‘ina guinua guguia; ta bubuna paruparu uana miaemwa‘ule ta nuaiai ‘ataia.

Isaia 33:18

‘Ateio ‘i da nuanua didiga manuna: tauna ‘i sawa mane, tauna i ‘etokuge mane? Tauna anua ‘etosoradi ‘i sawedi mane?

Isaia 45:24

Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?

Isaia 52:1

‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.

Isaia 60:18

Didiga gea‘abo wate si da nono ‘imu ‘asa ‘enaia, waborebore nai saoora ‘imu rabao gamwagamwanidia; ta ‘imu ‘ari‐gurewa ‘u da eesedi ‘Etoseana, ta ‘imu ‘eberuguiao Tuputupu.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 62:1

Siona manuna gea‘abo ia da enono, ta Ierusalema manuna gea‘abo ia da eiawai‘ata, ga ‘ina bubuna paruparu ‘i apwesawa na‘ieana tuiaiara, ta ‘ana ‘etoseana na‘ieana maiare i ‘ara‘arata.

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.