Isaia 53:10 - Buki Tabu Lowaenei 1919

¹⁰ Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Isaia 53:10 Σταυροειδείς Αναφορές

Salamo 110:3

‘Imu tomota si tagwara ‘ai‘ailidi ‘imu waiwai ‘ana asiata ‘ena: Bubuna ‘esasena ‘ana ‘ita bobo‘ana ‘ena, gonagona gamwanega, ‘Oio ‘amu tuta tubuau ‘ana gaguna u ‘ewena.

Salamo 147:11

Ieoba ‘i uiawana taudi si ‘amaiabena manudi, Taudi ‘ana esana si nuaiaina manudi.

Salamo 149:4

Ieoba ‘i uiawana ‘ina tomota manudi ta ‘enega: Taudi ‘idi bubuna nuana ‘adi ‘ita ‘i da giebobo‘anena ‘etoseanega.

Salamo 21:4

Iawasina ‘emuiega ‘i sidena ga u ‘ebwaena; Tuga asiata dudurana ataia ta ataia.

Salamo 22:30

Tubuna ‘ena si da guinua: ‘Inapwana manuna si da simana ga ‘epata‐tomata ‘enaia.

Salamo 22:31

Si da mai ta ‘ina bubuna paruparuna si da simane Tomota si da tubua ‘enaia, ‘aene tauna ‘i guinuena.

Salamo 69:26

Tauna ‘u sapina si gieedeededona; Ta taudi ‘u unuunudi ‘idi elo‘uia si simanena.

Salamo 72:17

‘Ana esana ‘i da mia ataia; ‘Ana esana ‘i da mia ataia sinara matanaia: Ta ‘ena tai si da bobo‘ana; ‘Ebeloina iauiauna si da ‘awa to‘eguausoarena.

Salamo 72:7

‘Ina tutao to bubuna paruparu si da sinabwa; Ta guguia sinabwawawasae, ga nawarae nigea ‘i miami.

Salamo 89:29

Wate tubunao ia da bubudi be si da mia ‘ataia, Ta ‘ina ‘ebemi esaesa ‘atua garewa asiatanao.

Salamo 89:36

Tubunao si da mia ataia, Ta ‘ina ‘ebemi esaesa ‘atua sinara mataguia.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 46:10

‘Ebelosaroni ia simana nuganega, ta gimi tutao ‘ediega iage nigea si apwesa gete; ia onaona, ‘Igu nuanua ‘i da tooro, ta ‘igu nuena maibo‘ana ia da guinua:

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 53:12

Ta ‘enega tomwana ia da ‘eguiai‘ena mesinabwadi ma‘edi, ta tauna gwegwe‘oae ‘i da ‘eguiai e‘ewaiwaidi ma‘edi; iaruiaruana ‘i siwena mwawasa ‘enaia ia ‘enega, ta si sawena to li‘oa‐loina ma‘edi: ta iauiaudi ‘idi loegesi i ‘a‘ara, ta ‘i sidasida to li‘oa‐loina manudi.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 61:9

Ta tubudi si da mwaratoni ‘ebeloinao gamwagamwanidia, ta natudi tomota gamwagamwanidia: iauiaudi si ‘itedi si da ‘inanedi, ‘aene taudi tubudi taudi Ieoba ‘i onaobobomedi.

Isaia 66:22

Na‘ieana garewa auaudi ta bare‘u auauna taudi ia da mwerurua, si da mia ‘ataia mataguia ta ‘enega, Ieoba ‘i gwae, na‘ieana tubumi ta ‘ami esana si da mia ‘ataia.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.