Isaia 52:9 - Buki Tabu Lowaenei 1919

⁹ Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 52:9 Σταυροειδείς Αναφορές

Salamo 102:22

‘Ena tomota si deriegogona, Ta ‘ebeloinao, sabi guinua Ieoba ‘enaia.

Salamo 98:4

Ieoba ‘ena ‘u da bwau ‘enaio maguausoarina ‘enega, bare‘u maibo‘ana: ‘U da apwesawa ta guausoara manuna ‘u da wari, tamo, ‘u da wari tuputupu.

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 14:7

Bare‘u maibo‘ana i ‘eiawai‘ata, ta i ‘arainono: si alalagata ta si wariwari.

Isaia 40:1

Wa da gienuabobo‘anedi, ‘igu tomota wa da gienuabobo‘anedi, ‘imi Eaubada ‘i gwae.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 44:22

‘Imu li‘oa‐loinao ni‘atu ia kweuiedi, na‘ieana poana badona, ta ‘imu loegesiao, na‘ieana poana: ‘eguia ‘u da ‘ilama: ‘abo‘agu ia ‘ewalimemu ta ‘enega.

Isaia 44:23

Wa da wari, ‘omi garewao ie, Ieoba ni‘atu ‘i guinuena ta ‘enega; wa da bwau, ‘omi bare‘u ‘ina esenanao lo‘ubuna; ‘Omi ‘oeao, mitawa ie, ta kaiwe iauna ‘ena, wa da pwaila wari ‘enega: Ieoba ni‘atu Iakobo i ‘ewa‐limena ta ‘enega, ta tauna esaesa ‘i da sa‘u Iseraela ‘ena.

Isaia 44:26

Tauna ‘ina toguinua ‘ina ona ‘i giepa‘ara, ta ‘ina topiliiareiare ‘idi nuena ‘i guinuena; tauna ‘i gwae Ierusalema manuna, ‘I da maa tomota ‘ediega; ta Iuda ‘ina ‘asa manudi, Si da ‘abidi, ta ‘ina esena kakaedi ia da gietooro;

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 51:12

‘Abo‘agu, tuga ‘Abo‘agu, taugu ia gieguausoarimi: iaita ‘oio, ‘u matauta tai ‘i da mwawasa manuna, ta tai natuna ‘i da enedu ‘atua manuna;

Isaia 51:3

Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.

Isaia 55:12

Ma‘imi guausoara wa da apwesawa ta ‘enega, ta si da ‘au‘ewemi guguiega: ‘oea sinabwadi ta ‘oea gidaridi si da weari matamia wariwariega, ta mitawa ‘ina kaiwe iauiauna nimadi si da pwasi.

Isaia 61:4

Ta esena kakaedi kadekaderidi si da ‘abi, gimi waborebore si da sa‘u etooro, ta ‘asa kakaedi si da bubu limedi, epata tomota iauna ‘idi waborebore.

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.