Isaia 52:1 - Buki Tabu Lowaenei 1919

¹ ‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 52:1 Σταυροειδείς Αναφορές

Salamo 110:3

‘Imu tomota si tagwara ‘ai‘ailidi ‘imu waiwai ‘ana asiata ‘ena: Bubuna ‘esasena ‘ana ‘ita bobo‘ana ‘ena, gonagona gamwanega, ‘Oio ‘amu tuta tubuau ‘ana gaguna u ‘ewena.

Si Apwesa 28:2

Ta ‘oama tabu ‘u da bubudi tasio Aarona manuna, esaesa manuna ta ‘ita bobo‘ana manuna.

Si Apwesa 28:40

Ta Aarona natunao me‘olotodi manudi kotu ‘u da bubudi, ta manudi gadiwana ‘u da bubudi, ta peaula ‘u da bubudi manudi, esaesa manuna ta ‘ita‐bobo‘ana manuna.

Isaia 1:21

‘Asa bubuna ‘ai‘aila ni‘atu ‘i esogara! Tauna lowa loinega ‘i maa! bubuna paruparu ‘ena ‘i miami, ta gete to‐loemwawasaiao.

Isaia 1:26

Ta ‘imu to loinao ia da sa‘u limedi ‘atua tuta ‘e bweunega, ta ‘imu to‐onaonaiao ‘atua nuganaia: muriega si da eesemu, Bubuna paruparu ‘ina ‘asa, ‘asa bubuna ‘ai‘aila.

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 4:3

Ta gete ‘i da apwesa, tauna si pilisinena Siona ‘ena, ta tauna ‘i tupwa Ierusalema ‘ena, si da eesena tabu, tuga ‘e bweuna ‘e bweuna si ‘etoladina maiawasina Ierusalema ‘ena:

Isaia 48:2

Si ‘inanedi ta ‘enega ‘asa tabuiega, ta si tugadara Iseraela ‘ina Eaubada ‘enaia; ‘ana esana bodao ‘idi Eaubada.

Isaia 49:18

Wa da dunedune tu‘e dadana, ta wa da ‘ita: iauiaudi getedi si egogona rererea, ta si mai ‘emuia. Maiawasigu, Ieoba ‘i gwae, ‘u da e‘ote‘ai‘ailiio iauiaudi ‘ediega na‘ieana ‘ebeiarega, ta ‘u da logadiwaniio ‘ediega, nadigega to ai mewainena.

Isaia 51:17

‘U da tooro, ‘u da tooro, ‘u da tooro ‘ai‘aila, Ierusalema ie, tauio Ieoba nimanega ‘ina egamwagamwagu didiga ‘ina keiga ‘u numena; keiga gadogado gaebana ni‘atu ‘u numena, ga ‘i iapasa.

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 64:10

‘Imu ‘asa tabu ni‘atu si emitawa, Siona ni‘atu ‘i emitawa, Ierusalema ‘i waborebore.