Isaia 51:7 - Buki Tabu Lowaenei 1919

⁷ ‘Eguia wa da nono, ‘omi bubuna paruparu wa mwaratoni, ‘omi tomota ‘igu loina ‘atemia ‘i miami; tai ‘idi ba‘e gea‘abo wa matautena, nai wa da ‘atesa‘ara ‘idi eliao manudi.

Isaia 51:7 Σταυροειδείς Αναφορές

Salamo 37:31

‘Ina Eaubada ‘ina loina ‘atenaia ‘i miami; Nigea ‘e bweu ‘ina sa‘ulaga ‘i da newanewa.

Salamo 40:8

Nua‘ai‘ailigu be ‘imu nuena ia da guinua, ‘igu Eaubada ie; Tamo, ‘imu loina ‘ategu soranaia ‘i miami.

Isaia 25:8

Mwawasa ni‘atu ‘i tonena ‘ataia; ta ‘Inapwana Eaubada mataseru ‘i da lo‘i‘ili iaulei iauiaudi maninidiega; ta ‘ina tomota ‘adi ‘ebesinasinara ‘i da ‘ewa bare‘u maibo‘anega: Ieoba ni‘atu ‘i oneonena ta ‘enega.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 37:6

Ta Isaia ‘i eonedi, Gete nadigega wa da ona ‘imi ‘inapwana ‘enaia, Gete nadigega Ieoba ‘i gwae, Ona nidi wa nonodi gea‘abo wa matauta manudi, taudi ona nidi ‘ediega Asiria ‘ana king ‘ina to‐guinuao si ona besobeso ‘eguia.

Isaia 51:1

‘Eguia wa da nono, ‘omi bubuna paruparu wa muria, ‘omi Ieoba wa ‘ebesa: gurewa ‘enega si taimi ‘ena wa da ‘ita, ta gaula ‘arena ‘enega si salemi.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.