Isaia 51:3 - Buki Tabu Lowaenei 1919

³ Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.

Isaia 51:3 Σταυροειδείς Αναφορές

Nugana 13:10

Ta Lota i ‘itatu‘e, ta Ioridana Abatauna maibo‘ana i ‘itena, ‘aene esena iauna maboasina, muriega Ieoba Sodoma ta Gomora ‘i loesaooridi, Ieoba ‘ina bagura nadigega, ‘asa Aigupito nadigega, na‘ieana ‘u tautauia Soara ‘enaia.

Salamo 85:8

Iage Eaubada Ieoba ‘i da one ia da nonona: ‘I da ona guguia ‘ina tomota ‘edia ta ‘enega, ta ‘ina to ‘esasena ‘edia: Ta gea‘abo si sanasana‘ila limana euwauwa ‘enaia.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 35:6

Ga to lopegoi ‘i da losuiasuia kerei ‘atua, ta to euwauwa meiana ‘i da wari: mitawaia boasi si da pwaila ta ‘enega, ta boasi daudau kaukaudaisinamo ‘enaia.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 43:19

Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 44:26

Tauna ‘ina toguinua ‘ina ona ‘i giepa‘ara, ta ‘ina topiliiareiare ‘idi nuena ‘i guinuena; tauna ‘i gwae Ierusalema manuna, ‘I da maa tomota ‘ediega; ta Iuda ‘ina ‘asa manudi, Si da ‘abidi, ta ‘ina esena kakaedi ia da gietooro;

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 49:19

Ta, ‘imu esena kaukaudaisidimo ta ‘imu esenao waborebore ta ‘imu bwa‘a ni‘atu ‘i saoora manudi, ‘ai‘aila ‘u da gilele to mia manudi, ta taudi si toneio si da mia ‘edasora.

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Isaia 51:12

‘Abo‘agu, tuga ‘Abo‘agu, taugu ia gieguausoarimi: iaita ‘oio, ‘u matauta tai ‘i da mwawasa manuna, ta tai natuna ‘i da enedu ‘atua manuna;

Isaia 52:9

Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 65:18

Ta wa da guausoara ta wa da ‘uiawana ‘ataia iage ia mweruruina ‘enega: wa ‘ita, ta ‘enega, Ierusalema ia mweruruina ‘ebeguausoara, ta ‘ina tomota ‘ebe‘uiawana.