Isaia 51:18 - Buki Tabu Lowaenei 1919

¹⁸ Natunao me‘olotodi iauiaudi taudi si enatunedi nigea ‘e bweu ‘edia i ‘au‘ewena; nai natunao me‘olotodi iauiaudi i ‘amwamwedi ‘e bweuna ‘edia ‘i da enima‘abi ma‘ieana.

Isaia 51:18 Σταυροειδείς Αναφορές

Salamo 142:4

‘Ataigu ‘u da duneduneie, ta ‘u da ‘ita; nigea ‘e bweu tai ‘i mwaramwaratonigu ta ‘enega: ‘Ebedena ni‘atu ia loseena; nigea ‘e bweu tai iaruiaruagu i ‘ita‘ita‘i‘isi.

Salamo 88:18

‘Agu gabura ta ‘agu ‘arauna ni‘atu ‘eguiega ‘u sa‘u ‘edasoredi, Ta gosiagu guguioi ‘enaia.

Isaia 41:13

‘Abo‘agu Ieoba ‘imu Eaubada ‘ataio ia da giiai ta ‘enega, ia da gwae ‘emuia, Gea‘abo ‘u matauta; ia da lemeio.

Isaia 45:1

Gete nadigega Ieoba ‘i gwae ‘ina orooroina ‘enaia, Koresa ‘ena, tauna ‘ataina ia giiaina, sabi didiga ‘ebeloinao matanaia, ta kiniao tolobwadi ia da li‘amidi; sabi gigege ‘awa matanaia, ta ‘eberugu gea‘abo si da gibodedi;

Isaia 49:21

Ga ‘oio ‘u da ona ‘atemuia, Iaita getedi ‘i enatunedi ‘eguia, natuguao si ‘ewedi ta ‘enega, ta ‘abo‘agu ia mia tebweugu, ia mia apwesa, ta ia lopilidadana? ta iaita getedi ‘i ‘amwamwedi? Wa ‘ita, si pilisinegu ga tebweugu; getedi, mwa‘o si miami?

Isaia 54:11

‘Oio ‘elo‘uiaio, wedilia i ‘ula tu‘eieio, ta nigea ‘imu guausoaramo, u ‘ita, ‘imu gurewao ia da sa‘u mena‘arega, ta ‘imu ‘autuiao sapairega.