Isaia 50:4 - Buki Tabu Lowaenei 1919

⁴ ‘Inapwana Eaubada tonono e‘ita meiadi ni‘atu i ‘ebwaegu, be ‘enega ia da mwaratoni be tauna ‘i lo‘ame‘ame ia da gi‘ete ona ‘ediega: gonagona be gonagona ‘i lowanowanogu, tenagu ‘i lowanowanona be ‘i nono nadigega to nono e‘ita

Isaia 50:4 Σταυροειδείς Αναφορές

Salamo 119:147

Tomwa ‘i ulisi ia nuganena, ta ia bwau: ‘Imu ona ‘edia ia nuaiai.

Salamo 143:8

‘U da loinegu be ‘imu oboboma‐nua‘ole‘ole ia da nonona gonagonaia; ‘Emuia ia ‘emisa ta ‘enega: ‘U da loinegu be ‘eda ‘enega ia da tauia ia da mwaratonina; Iaruiaruaguiega ia ‘ita tu‘e ‘emuia ta ‘enega.

Salamo 40:7

Ga ia gwae, U ‘ita, ni‘atu ia mai; Buki wasiwasina ‘ena si ‘etoladi manugu:

Salamo 45:2

‘Oio ‘amu ‘ita bobo‘ana wawasae tomota natunao ‘edia: Oboboma si siwena sopaio ‘edia: Ta ‘enega Eaubada ‘i giebobo‘ana ataemu.

Salamo 5:3

Ieoba ie, gonagonaia ‘enagu ‘u da nonona; Gonagonaia ‘igu sidasida ia da sa‘u ‘ai‘aili ‘emuia, ta ia da lomata ‘i‘isio.

Salamo 88:13

Ta ‘emuia, Ieoba ie, ni‘atu ia bwau, Ta gonagonaia ‘igu sidasida matamuia ‘i da mai.

Isaia 28:19

Tuta iauna i ‘etobwarena, ‘i da ‘ewemi; gonagona ta gonagona ‘i da rubware ta ‘enega, asiatega ta boiboiega; ta gea‘abo wate ‘e bweu iage ta ‘ebedidiga tuga ‘i da apwesa be ona wa da sinapuna.

Isaia 28:9

Sinasinapu ‘i da e‘ita iaita ‘enaia? ta ‘are ‘i da e‘ita iaita ‘enaia? Taudi nai susuiega si gagidi, ta susu matadiega si lisidi?

Isaia 35:5

Ga to matakebokebo matadi si da ebari, ta to tenatui tenadi ‘ana ‘auboda si da ‘ewai.

Isaia 40:29

To tabataba waiwai i ‘ebwaedi; ta tauna nigea ‘e bweu ‘ina waiwai pa‘ara ‘i giesinabwa ‘enaia.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 54:13

Ta natumuao iauiaudi si da Ieoba ‘ina disaipeliao; ta natumuao ‘idi guguia ‘i da sinabwara.

Isaia 8:16

Ona ‘ebe‘ita wa da nunumi, loina wa da giepa‘i ‘igu tononoiao ‘edia.