Isaia 49:4 - Buki Tabu Lowaenei 1919

⁴ Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 49:4 Σταυροειδείς Αναφορές

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 35:4

To ‘atesa‘ara wa da eonedi, Wa da ewaiwai, gea‘abo wa ‘atesa‘ara: wa ‘ita, ‘imi Eaubada ‘i da mai e‘isega, Eaubada ‘ina tamapuiega; ‘I da mai ta ‘i da ‘etoseemi.

Isaia 40:10

Wa ‘ita, ‘Inapwana Eaubada ‘i da mai to ewaiwai na‘ieana, ta nimana ‘i da loina tauna manuna; wa ‘ita, ‘ina tamapu ma‘ieana; ta ‘ina e‘isa matanaia.

Isaia 40:27

Toase manuna ‘u ona, Iakobo ie, ta ‘u gwae, Iseraela ie, ‘Igu ‘eda ‘i mia kwaia Ieoba ‘enega, ta ‘igu etara ‘i sawara ‘igu Eaubada ‘enega?

Isaia 57:21

Nigea ‘e bweu guguia, ‘igu Eaubada ‘i gwae, to to‘umali ‘edia.

Isaia 59:18

‘Idi guinuao nadigega, ‘i da e‘isa nadigega, egamwagamwagu ‘ana tolosaiao ‘edia, e‘isa ‘ana tarauwarao ‘edia; e‘isa saru ‘edia ‘i da ‘ebwaealimana.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 62:11

Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega:

Isaia 65:23

Gea‘abo si da guinua besobeso, nai si da me‘ena ‘ebedidiga manuna; taudi Ieoba ‘ana oboobobomao tubudi ta ‘enega, ta natudiao ma‘ediao.

Loina 26:20

Ta ‘imi waiwai wa da loegumwara daita: ‘imi bwa‘a gea‘abo ‘ina sinabwa ‘i da uaua ta ‘enega, ta bwa‘a ‘ina kaiweao gea‘abo si da uaua.