Isaia 40:7 - Buki Tabu Lowaenei 1919

⁷ Nedu i ‘oape‘oaperu, senina ‘i medamedari; Ieoba uweuwenununa ‘ena ‘i toa ta ‘enega: ona ‘ai‘aila tomota nedu.

Isaia 40:7 Σταυροειδείς Αναφορές

Salamo 102:4

‘Ategu ‘i esilae nedu ‘atua, ta i ‘oaperu; ‘E‘ai ‘agu masura ia nuapupurena ta ‘enega.

Salamo 103:15

Ta tai manuna, ‘ina asiatao nedu ‘atua: Na‘ieana mitawa senina, na‘ieana ‘i sinabwa.

Salamo 103:16

Iagila ‘i taonena, ta ni‘atu ‘i sawara; Ta ‘ina esena gea‘abo wate ‘i da mwaratonina.

Salamo 90:5

U ‘au‘ewediwa ‘atua muruega; taudi ‘eno‘eno nadigega: Gonagonaia si nadigega nedu ‘i tabwatabwa.

Salamo 90:6

Gonagonaia ‘ana ‘ita ‘i bobo‘ana, ta ‘i tabwa tu‘e; Asuinuanuaia si ‘upwa mwa‘utena, ta i ‘oaperu.

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 37:27

Ta ‘enega ‘idi tomia si ewaiwai gidarina, si ‘atesa‘ara ta si nuaowana; taudi nadigega bagura neduna, ta nadigega pwatura karakarawina, nadigega nedu anua debadia, ta nadigega bagura‐witi nigea ‘i tabwa tu‘e.

Isaia 40:24

Tamo, nigea si ‘asodi; tamo, nigea si lolelewanedi; tamo, ‘aredi nigea ‘i ramuramu bare‘u ‘enaia: wate ‘edia ‘i mu‘eunu ta si ‘oaperu, ta bwawabwawa i ‘ewa‐iauledi sumwana ‘atua.

Isaia 51:12

‘Abo‘agu, tuga ‘Abo‘agu, taugu ia gieguausoarimi: iaita ‘oio, ‘u matauta tai ‘i da mwawasa manuna, ta tai natuna ‘i da enedu ‘atua manuna;