Isaia 4:2 - Buki Tabu Lowaenei 1919

² Asiata gote ‘enega Ieoba ‘ina iage lobwasila ‘ana ‘ita ‘i da bobo‘ana ta ‘i da esaesa, ta bare‘u uana ‘i da bobo‘ai‘ailina ta ‘ana ‘ita ‘i da bobo‘ana me Iseraela to denadena manudi.

Isaia 4:2 Σταυροειδείς Αναφορές

Salamo 67:6

Bare‘u ‘ina sinabwa ni‘atu ‘i uaua: Eaubada, tuga tauda ‘ida Eaubada, ‘i da onaobobomeda.

Salamo 72:16

Witi sinabwa wawasae bare‘uia ‘i da miami ‘oea debadia; Uana ‘i da dedera Lebanona ‘atua: Ta taudi to mia ‘asa si da sinabwa ‘atua bare‘u ‘ina nedu.

Si Apwesa 28:2

Ta ‘oama tabu ‘u da bubudi tasio Aarona manuna, esaesa manuna ta ‘ita bobo‘ana manuna.

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 27:6

Asiata si meama ‘ediega Iakobo ramuna ‘i da sa‘u; Iseraela ‘i da tupwa ta ‘i da senina: ta gabura matana si da loemaa kaiwe uanega.

Isaia 30:23

Ta ‘imu ewana ‘ana ‘usana ‘i da ‘ebwaea, be ‘enega bwa‘a ‘u da dauna; ta bwa‘a ‘ina sinabwa masurina, ta ‘i da iapa ta iauwawasae: asiata gote ‘imu bulomakau si da ‘e‘ai pwatura sinabwadi ‘edia.

Isaia 45:8

‘Omi garewao, wa da pesuma, ‘etanega, ta garewa bubuna paruparu ‘i da siwa mwa‘utena: bare‘u ‘i da egegena, be ‘enega ‘etoseana si da uaua, ta bubuna paruparu ‘i da gietabwa rererea; ‘Abo‘agu Ieoba ni‘atu ia mweruruina.

Isaia 53:2

Matanaia ‘i tabwa ‘atua kaiwe nuana ta ‘enega, ta ramu ‘atua bwa‘a iadaiada ‘enega: nigea ma‘oonamo nai ‘ana ‘ita bobo‘ana; ta ‘ena ta ‘itena, nigea ‘e bweu ‘ana ‘ita bobo‘ana be ta da nuanuana.

Isaia 60:15

Lowa si e‘idi‘idiemu ta si guitoasemu, ta ‘enega nigea ‘e bweu tai ‘i rubwareio, ta gete ia da bubuio be ‘u da bobo‘ai‘ailina ‘ataia, ‘epata tomota iauna ‘idi ‘ebeguausoara.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:11

Na‘ieana bare‘u tupwa ‘i gietabwa ta ‘enega, ta nadigega bagura iage si lelewana ‘enaia ‘i gietabwa; nadigega ‘Inapwana Eaubada bubuna paruparu ta lotuputupu ‘i da giesinabwa ‘ebeloina iauiauna matadia.