Isaia 27:9 - Buki Tabu Lowaenei 1919

⁹ Ta ‘enega gete ‘enega Iakobo ‘ina bubuna bokobokona ‘i da gumwara, ta gete ‘ina loegesi ‘ana ‘ewaiaula uana maibo‘ana; ‘ena ‘ebetaria ‘ina gurewa iauiaudi ‘i bubudi gurewa buraburadi si sapi rueruedi nadigega, be ‘enega Aserima ta tokwarui‐sinara gea‘abo wate si da tooro.

Isaia 27:9 Σταυροειδείς Αναφορές

Salamo 119:67

‘Igu elo‘uia nuganinaia ia tauia gesi; Ta gete ‘enega ‘imu ona ia ‘ita‘i‘isina.

Salamo 119:71

‘I bobo‘ana manugu ‘igu elo‘uia; Be ‘enega ‘imu loina tomwanao ia da nonodi.

Si Apwesa 34:13

Ta ‘idi ‘ebetaria ‘u da ‘ula mwa‘utedi, ta ‘idi ‘ora‐gurewa ‘u da ‘e‘auweawearidi, ta ‘idi Aserima ‘u da tara separedi:

Isaia 1:29

Keigwanaiao taudi nuanuami manudi si da omaiamaia ta ‘enega, ta bagura wa ‘esinuedi manudi nuami ‘i da soa.

Isaia 17:8

Ta gea‘abo ‘ebetariao ‘edia ‘i da ‘ita, nimana ‘idi guinua, nai iage nina matagigina si guinua ‘i da ‘amaiabena, nai Aserima, nai tokwarui‐sinaraiao.

Isaia 30:22

Ta ‘imi goamamea sileba ‘idi sa‘ubodaboda, ta ‘imi goamamea gola ‘e‘urenina ‘idi ‘ebebwasa wa da giebi‘i: ‘u da ‘ulediwa ‘atua iage nigea ‘esasena; ‘ena ‘u da gwae, Gete ‘enega ‘u da tauia.

Isaia 4:4

‘Ena ‘Inapwana Siona natunao me wainedi ‘idi bi‘i i ‘utu iaulena, ta Ierusalema rarana i ‘ewa iaulena gamwagamwanega, etara iaruiaruanega, ta ‘arata iaruiaruanega.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Isaia 48:10

U ‘ita, ni‘atu ‘aweiega ia gie‘esasemu, ta nigea sileba ‘atua; ni‘atu ia ‘esinuemu elo‘uia ‘ana ‘ebegabu ‘enaia.

Loina 26:30

Ta ‘imi esenao si miamia tu‘e ia da loesaooridi, ta ‘imi tokwarui‐sinara ia da ‘ausepara mwa‘ute, ta ‘imi kokoa ia da ‘uledi ‘imi goamamea ‘idi kokoa ‘edia; ta iaruiaruagu ‘i da guitoasemi.