Isaia 25:1 - Buki Tabu Lowaenei 1919

¹ Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 25:1 Σταυροειδείς Αναφορές

Salamo 111:4

‘Ina guinua sinabwadi ‘i bubudi be si da nua‘i‘isidi: Ieoba ‘i oboboma ta nua‘ole‘oleiega ‘i maa.

Salamo 118:28

‘Oio ‘igu Eaubada, ta ‘emuia ia da lokagutoki: ‘Oio ‘igu Eaubada, ia da tupuio.

Salamo 145:1

Ia da ‘awabobo‘aneio, ‘igu Eaubada, King ie; Ta ‘amu esana ia da ‘awabobo‘anena ‘ataia.

Salamo 146:2

‘Ena maiawasigu Ieoba ia da tupuna: ‘Igu Eaubada ‘ena ia da wari tuputupu tuta ‘enega ia bobo‘ana ta nigea ia mwawasa.

Salamo 31:15

‘Igu tutao nimamuia si miami: ‘Agu tarauwarao nimadiega ‘u da ‘etoseegu, ta ‘ediega si unuunugu.

Salamo 40:5

Ieoba ie ‘igu Eaubada, guinua to sinabwa sadi ni‘atu ‘u guinuedi si iau‘ena‘ina, Ta ‘imu nuanuaiao manuma: Nigea kapekapeana ‘a da sau‘ai‘ailidi ‘emuia; ‘Abo manudi ia simana ta ia ona, Si iauwawasae ta nigea kapekapeana ia da sawedi.

Salamo 40:6

Taria ta ‘ebwaeadaita nigea ‘edia ‘u eguausoara; Tenagu ni‘atu u ‘etobwaredi: ‘Ebwaeadaita gabugabu ta loegesi ‘ana ‘ebwaeadaita nigea nuanuaio.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Salamo 75:2

‘Ena tuta ‘ai‘aila ia da loba, Ia da loina paruparuna.

Salamo 78:4

Gea‘abo ta sa‘usa‘u kwaiedi natudiao ‘ediega, ‘Epata‐tomota ‘i memai ‘ena Ieoba ‘ana tuputupu ta da simana ‘edia, ‘Ina waiwai ta, ‘ina guinua to sinabwa sadi ga taudi ni‘atu ‘i bubudi ta.

Salamo 89:1

Ieoba ‘ina nua‘ole‘oleao manudi ia da wari ‘ataia: ‘Awaguiega ‘imu bubuna ‘ai‘aila ia da e‘ita epata tomota iauiauna ‘edia.

Salamo 98:1

Wari auauna wa da wariei Ieoba ‘enaia; Iage ‘ebenuaowana ni‘atu ‘i guinuedi ta ‘enega; Ataina, ta nimana tabu, ni‘atu si bubu ‘etoseana manuna.

Salamo 99:5

Ieoba ‘ida Eaubada wa da gitu‘e, Ta ‘aena ‘ana ‘ebesa‘u ‘ena wa da bwagobwago: Tauna ‘i tabu.

Si Apwesa 15:2

Ieoba ‘igu waiwai ta ‘igu wari, Ta Tauna ni‘atu ‘agu ‘etoseana: Gete ‘igu Eaubada, ta ia da tupuna; Tamagu ‘ina Eaubada, ta ia da gitu‘eiena.

Isaia 11:5

Ta bubuna paruparu ‘i da tolobwana ‘ana gadiwana, ta bubuna ‘ai‘aila gamwana ‘ana gadiwana.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 26:13

Ieoba ie ‘ima Eaubada, mari ‘inapwanao ta ‘oio nigea, ni‘atu si loina ‘emaia; ta tebweuio ‘emuiega ‘amu esana ‘a da ‘inana.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 28:29

Gete wate ‘i apwesama bodao ‘idi Ieoba ‘enega, tauna ‘ina ona lemeega ‘i tosinabwasana, ta sinasinapuiega ‘i bobo‘ai‘ailina.

Isaia 40:27

Toase manuna ‘u ona, Iakobo ie, ta ‘u gwae, Iseraela ie, ‘Igu ‘eda ‘i mia kwaia Ieoba ‘enega, ta ‘igu etara ‘i sawara ‘igu Eaubada ‘enega?

Isaia 46:10

‘Ebelosaroni ia simana nuganega, ta gimi tutao ‘ediega iage nigea si apwesa gete; ia onaona, ‘Igu nuanua ‘i da tooro, ta ‘igu nuena maibo‘ana ia da guinua:

Isaia 46:11

Manua bosasa ia bwauiena bomatuiega, ‘igu nuena ‘ina tai ‘asa ‘edasorega; tamo, ni‘atu ia ona, wate ia da gieapwesenama; ni‘atu ia loinena, ta wate ia da bubuna.

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 49:5

Ta gete ‘enega Ieoba ‘i gwae tauna gamwega ‘i bubugu be ‘abo‘agu ‘ina to‐guinua, be Iakobo ia da me‘ena limana ‘enaia, ta ‘aene Iseraela ‘i da egogona ‘enaia: (‘abo‘agu ia esaesa Ieoba matanaia ta ‘enega, ta ‘igu Eaubada Tauna ‘igu waiwai:)

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 7:13

Ta ‘i gwae, Gete ‘enega wa da nono, Dabida ‘ina susu ie; ‘aene iage gidarina ‘emia tai wa gielo‘ame‘ame, ta ‘igu Eaubada wate wa da gielo‘ame‘ame?