Isaia 11:1 - Buki Tabu Lowaenei 1919

¹ Ta Iese ‘arenega bwasila ‘e bweuna ‘i da apwesama, ta nari ‘e bweuna ramunega ‘i da uaua:

Isaia 11:1 Σταυροειδείς Αναφορές

Salamo 145:11

‘Imu ‘ebeloina ‘ina esaesa manuna si da gwae, Ta ‘imu waiwai manuna si da ona;

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 4:2

Asiata gote ‘enega Ieoba ‘ina iage lobwasila ‘ana ‘ita ‘i da bobo‘ana ta ‘i da esaesa, ta bare‘u uana ‘i da bobo‘ai‘ailina ta ‘ana ‘ita ‘i da bobo‘ana me Iseraela to denadena manudi.

Isaia 53:2

Matanaia ‘i tabwa ‘atua kaiwe nuana ta ‘enega, ta ramu ‘atua bwa‘a iadaiada ‘enega: nigea ma‘oonamo nai ‘ana ‘ita bobo‘ana; ta ‘ena ta ‘itena, nigea ‘e bweu ‘ana ‘ita bobo‘ana be ta da nuanuana.

Isaia 6:13

Ta ‘abo ‘e bweu sanauna ‘ena ‘i mi‘ami, ‘i da gumwara limana; na‘ieana kaiwe terebina, ta na‘ieana keigwana, tauna ‘arena ‘i miami, ‘ena si ‘upwedi; nadigega ‘atuna tabu tauna ‘arena.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.

Ruta 4:17

Ta iine nidi gosenao si eesena, si gwae, Naomi ‘ena natuna me‘olotona ‘i tubua; ta si eesena Obeda: tauna Iese tamana, tauna Dabida tamana.