Isaia 10:6 - Buki Tabu Lowaenei 1919

⁶ ‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 10:6 Σταυροειδείς Αναφορές

Isaia 19:17

Ta Iuda ‘asana ‘i da ‘ebedidiga Aigupito ‘enaia, ‘e bweuna ‘e bweuna ‘ena si ona manuna ‘i da ‘atesa‘ara, bodao ‘idi Ieoba ‘ina nuena manuna, tauna ‘i nuena ‘enaia.

Isaia 22:5

Gete esilae ‘ina asiata ta ‘enega, ta ‘aiaina ‘ana asiata, ta nua‘owana ‘ana asiata ‘Inapwana ‘enega, bodao ‘idi Ieoba, madawara sa‘arina ‘enaia; ‘ari‐gurewa ‘adi ‘ausepara mwa‘uta, ta bwaubwau ‘oea ‘edia.

Isaia 24:5

Bare‘u wate ‘i baila ‘ana tomi ‘ubunidia: loina si li‘oedi ta ‘enega, loina tomwana si gibunina, ona‐‘upa‘upa mia‘ataia si li‘oena.

Isaia 29:13

Ta ‘Inapwana ‘i gwae, Tomota gete deiguia si mai ta ‘enega, ta ‘awadiega ta sopadiega si ‘amaiabegu, ta ‘atedi ‘eguiega edasoraia si tauiena, ta ‘idi matautegu tai ‘idi ona tauna si e‘ita ‘edia:

Isaia 32:6

Tai geigeioi iage euwauwa ‘i da oneone, ta ‘atena bubuna bokobokona ‘i da guinuei, sabi bubu besobeso, ta sabi ‘inana loegesi Ieoba matanaia, be to botana iaruiaruana ‘i giekakaena, ta taudi tona‘adi ‘i iapasa ‘adi boasi ‘i loegumwarina.

Isaia 33:1

‘Oioi ‘emuia ‘u to e‘oae‘oae, ta nigea si ‘oaeio; ta ‘u bubu geiogeioi, ta nigea si bubuna geiogeioi ‘emuia! Ni‘atu e‘oae‘oae ‘u sa‘una, ga si da ‘oaeio; ta ni‘atu bubuna geiogeioi ‘u sa‘una, ga si da bubuna geiogeioi ‘emuia.

Isaia 33:14

To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Isaia 41:25

‘E bweu ia gietooro iaaratega, ta ni‘atu ‘i mai; sinara ‘ina sae ‘e bweu tauna ‘agu esana i ‘inana: ta to‐loinao ‘edia ‘i da mai na‘ieana bwada ‘enaia, ta na‘ieana tobubu‐‘urena bwa‘a i ‘aiaina.

Isaia 49:17

Natumuao si lomanini; ‘amu togiesaoora ta taudi si giesawariio ‘emuiega si da tauiawa.

Isaia 49:25

Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 5:25

Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.

Isaia 5:29

‘Idi bwau toila ‘i da, nadigega laione, si da bwau toila ‘atua laione menonoiadi: tamo, si da bwau toila, ta to esilae ‘ena si da giiaina, ta si da ‘ewa iaulei ‘ai‘aila, ta gea‘abo ‘e bweu ‘i da ‘eto‘etoseana.

Isaia 5:5

Ta gete ‘enega wa da nono; iage ia da guinua ‘igu baguraoine ‘enaia ia da simana ‘emia: ‘ana ‘ari tabwatabwana ia da ‘ewena, ta si da e‘egumwarina; ‘ana ‘ari ia da wearina, ta si da ‘aiaina:

Isaia 63:3

Oine ‘ana ‘ebedai ia ‘aiaina tebweugu; ta tomota ‘ediega nigea ‘e bweu tai ma‘ieagu: tamo, ia ‘aiaidi ‘igu gamwasoarega, ta ia iabutudi ‘igu egamwagamwaguiega: ta raradi ‘ebepa‘ara ‘i loseuseulena ‘agu ‘oama ‘edia, ta ‘agu ‘oama maibo‘ana ia siwaroro.

Isaia 63:6

Ta tomota ia ‘aiaidi ‘igu gamwasoarega, ta ‘igu egamwagamwaguiega ia gielaulausidi, ta ‘idi rara‘ebepa‘ara ia siwena bare‘uia.

Isaia 7:17

Ieoba ‘emuia, ta ‘imu tomota ‘edia ta tamaio ‘ina susu ‘enaia, asiatao ‘i da me‘edi, taudi nigea si mai, asiata ‘enega Eparaima Iuda ‘i pilisinena ga batua; tuga Asiria ‘ana King.

Isaia 8:4

Goama nina nigea ‘i da mwaratoni be ‘i bwau, Tamagu, ta, Sinagu, ga nugana Damaseko ‘ina oesi ta Samaria ‘ina gwegwe si da ‘ewedi Asiria ‘ana king matanaia ta ‘enega.

Isaia 8:8

Ta ‘i da dau toilawa Iuda ‘ena; ‘i da dau‘apu‘apu ta ‘i da ‘etobwarena; ‘i da tu‘e ga otonaia; ta papena ‘idi tu‘e‘alele ‘asa ‘ana bababa ‘i da loemaa, Imanuela ie.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 9:19

Bodao ‘idi Ieoba ‘ina gamwasoarega ‘asa ni‘atu i ‘arasi: tomota wate awe na‘ieana; nigea ‘e bweu tai tasina ‘i lobobo‘anena.