Iona 1:3 - Buki Tabu Lowaenei 1919

³ Ta Iona ‘i tooro sabi dena Tasisa ‘enaia Ieoba matanega; ta Iopa ‘ena ‘i mwa‘uta, ta waga ‘e bweuna ‘i lobena Tasisa ‘ena ‘i tautauia: ga ‘ina geru ‘i e‘isena, ta ‘ena ‘i geru, sabi tauia ma‘edi Tasisa ‘ena Ieoba matanega.

Iona 1:3 Σταυροειδείς Αναφορές

Nugana 3:8

Ta Ieoba Eaubada ‘enana si nonona baguraia ‘i lopilidadana asuinuanuaia; ta tai mamwanena si ‘ekwaiedi Ieoba Eaubada matanega bagura kaiwenao ‘edia.

Nugana 4:16

Ta Kaina ‘i apwesa Ieoba matanega, ta ‘asa Noda ‘ena ‘i miami, Edena matanaia.

Salamo 107:23

Taudi si mwa‘uta oraia waga ‘edia, Taudi si guiguinua boasi sinabwadi ‘edia;

Isaia 2:16

Ta waga Tasisa iauiauna ‘edia, ta eiara iauiauna ‘adi ‘ita bobo‘ana ‘edia.

Isaia 23:1

Turo ‘ana ona. Wa da bwau, omi waga Tasisa; ni‘atu ‘i bwa‘adaisinamo ta ‘enega, ta ‘enega anua nigea ‘e bweu, rugu nigea ‘e bweu: ‘asa Kitima ‘enega ‘i apwesama ‘edia.

Isaia 23:10

Tasisa natuna mewainena ie, ‘imu ‘asa ‘u da rubwarena Nile ‘atua; nigea wate ‘e bweu ‘amu gadiwana.

Isaia 23:6

Tasisa ‘ena wa da tauiawa; wa da bwau, ‘omi saru ‘ana tomi.

Isaia 60:9

Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.

Iona 1:10

Ga tai nidi si matauta sinabwana, ta si eonena, To‘ase gete ni‘atu ‘u guinuena? Tai nidi si mwaratonina ‘i dena Ieoba matanega ta ‘enega, ‘i simana ‘edia ta ‘enega.

Iona 4:2

Ta Ieoba ‘ena i ‘awanoi, ta ‘i gwae, Ia sideio, Ieoba ie, gete nigea ‘igu ona nai, ‘ena ‘igu ‘asaia ia miami? Ta ‘enega ia dena manini Tasisa ‘enaia: ia mwaratoni ta ‘enega ‘aene ‘oio Eaubada oboboma, u ‘atenua‘ole‘ole wawasae, gamwasoara manuna ‘u so‘iso‘i, nua‘ole‘oleiega ‘u eiau, ta to‘umalina manuna nuaio i ‘ebunina.