Esiteri 8:11 - Buki Tabu Lowaenei 1919

¹¹ ‘Enega king ‘i tagwara me Iuda ‘asa iauiauna ‘edia si miamiana ‘aene si da egogonama, ta iawasidi manuna si da tooro, be tomota ta esena ‘aene si da unudi, ‘idi waiwai iauiauna si da loesawara, si da unudi, si da loemwawasidi, wate natudiao be ‘idi iineao, ta si da ‘oaedi,

Esiteri 8:11 Σταυροειδείς Αναφορές

Esiteri 3:13

Ta leta si etunedi to piliiareiare ‘ediega king ‘ina esena iauiauna ‘edia, be ‘enega me Iuda iauiaudi si da loesawaridi, si da unudi, si da loemwawasidi, tubuau ta tai sinabwadi, gogama gidaridi ta iine, asiata ‘e bweuna ‘enega, nawarae e twelu nina ‘ana asiata e tatini nina, tauna nawarae Adara, ta ‘idi gwegwe ‘ediega si da ‘oaedi.

Esiteri 9:18

Ta me Iuda to mia Susa ‘ana asiata ‘e tatini nina si egogona, ta ‘ana asiata ‘e potini nina; ta tauna nawarae nina ‘ana asiata e pipitini nina ‘enega si eiawai‘ata, ta si bubuna ‘asiata losagari be eguausoara.

Salamo 137:8

‘Oio Babulonia natuna me wainena, ‘i abe ‘u saoora; Tauna ‘i da bobo‘ana, tauna ‘emuia ‘i e‘isa Na‘ieana ‘imu guinua ‘emaia.

Salamo 68:3

Ta to paruparuna si da guausoara; si da uiawana Eaubada matanaia: Tamo, si da ‘eguausoara uiwanega.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.