Esiteri 5:1 - Buki Tabu Lowaenei 1919

¹ Ga asiata ‘etonina gete ‘i apwesa, Esiteri ‘ana ‘oama esaesa i ‘e‘oama‘ena, ta ‘i tooro king ‘ina anua gamwanaia ‘enaia, king ‘ina anua serabenaia: ta king anua esaesa ‘enaia ‘ina ‘ebemi esaesa ‘ena ‘i miatoa, anua ‘ana ‘awa serabenaia.

Esiteri 5:1 Σταυροειδείς Αναφορές

Esiteri 1:11

‘Aene kuini Pasiti si da ‘au‘ewenama king matanaia ma‘ana peaula esaesa, be ‘enega tomota ta to‐esaesaiao ‘ana ‘ita bobo‘ana ‘i da e‘itadi; tauna sinebwaina ta ‘enega.

Esiteri 2:5

Ta anua Susa ‘ena goma Iuda ‘e bweu ‘ena ‘i miami, ‘ana esana Modekai, tauna Iaira natuna, tauna Simei natuna, tauna Kisa natuna, Beniamina ‘ina susu;

Esiteri 4:11

King ‘ina toguinua iauiaudi, ta king ‘ina esena tomotanidi si mwaratonina, ‘aene tauna, nai tai nai waine, ‘i da mai king ‘ena anua gamwagamwana ‘enaia, ta nigea ‘i bwauiena, loina ‘e bweuna manuna, ‘aene si da loemwawasina, ‘abo king nigea guna gola ‘enega ‘i enimasusu, be ‘i da bobo‘ana: ta ‘abo‘agu nigea si bwauiegu king ‘enaia ta asiata ‘e tati getedi.

Esiteri 4:16

‘U ta tauia, ta me Iuda iauiaudi Susa ‘ena si miami ‘u da agogodi, ta manugu wa da edidigura, ta asiata ‘etoi gea‘abo wa da ‘e‘ai nai wa da numanuma, boiboi nai asiata: ‘abo‘agu wate ta ‘igu gomagweineao ‘a da ‘edidigura nadigega; ta nadigega king ‘enaia ia da rugu, nate nigea loina ‘atua: ta ‘abo ia mwawasaia, ia mwawasa.

Esiteri 4:17

Ga Modekai ‘i tauia, ta nadigega Esiteri ‘ina ona iauna ‘enaia nadigega ‘i guinuena.

Esiteri 6:4

Ta king ‘i gwae, Iaita anua ‘eberugu ‘enaia? Ta Amana king ‘ina anua ‘ana ‘eberugu apwesaia ‘ena ‘i mai, be ‘enega king ‘i da eona be Modekai ‘i da loesanena kaiwe ni‘atu manuna ‘i guinuena ‘enaia.

Esiteri 8:15

Ta Modekai king matanega ‘i apwesa ma‘ana ‘oama esaesa karakarawina ta wakewakekena, ta ma‘ana peaula gola sinabwana, ta ma‘ana tara‘apwara kaleko matagidarina ta bweabwearina: ta ‘asa Susa ‘i bwau ta ‘i eguausoara.